На заседании был проанализирован ход реализации Федерального закона «О ежемесячных выплатах семьям, имеющим детей» по назначению и осуществлению ежемесячной выплаты в связи с рождением (усыновлением) первого ребенка». Данная инициатива направлена на улучшение демографической ситуации в стране и предполагает ежемесячные выплаты, если семья имеет среднедушевой доход, размер которого не превышает 1,5-кратную величину размера прожиточного минимума, установленного в регионе. Участниками заседания было отмечено, что в республике своевременно проведена подготовка необходимого пакета документов для определения федеральной субвенции по выплатам на рождение первого ребенка, приняты организационные меры в МФЦ для оперативного оформления необходимой индивидуальной документации граждан, налажено взаимодействие с органами ЗАГС республики. В 2018 году республике для реализации федерального закона выделяются финансовые средства в размере более 41,1 млн рублей.
Участниками заседания были рассмотрены вопросы исполнения перечня поручений Президента РФ Владимира Путина, связанных с созданием условий для получения качественного образования и подготовки образовательных организаций к новому учебному году. В ходе обсуждения информации, представленной Министром образования и науки РА Анзауром Керашевым, были даны поручения по дальнейшей работе ведомства в данном направлении.
Гъэсэныгъэм иорганизациехэм 2018 — 2019-рэ илъэсыкIэ еджэгъум зызэрэфагъэхьазырырэм епхыгъэу къэгущыIагъ Адыгеим гъэсэныгъэмрэ шIэныгъэмрэкIэ иминистрэу КIэрэщэ Анзаур. Ащ къызэриIуагъэмкIэ, джырэ уахътэ ехъулIэу республикэм еджэпIи 145-мэ ыкIи кIэлэцIыкIу IыгъыпIи 127-мэ Iоф щашIэ. ИлъэсыкIэ еджэгъоу къэблагъэрэм гъэсэныгъэм иучреждениехэр зэрифэшъуашэу къекIолIэнхэм, щыкIагъэу, гумэкIыгъоу щыIэхэр дэгъэзыжьыгъэнхэмкIэ пшъэрылъ шъхьаIэу къэуцухэрэм, анахьэу анаIэ зытырагъэтыщтхэм министрэр кIэкIэу къащыуцугъ. Республикэ прокуратурэм зэхищэгъэ уплъэкIунхэм язэфэхьысыжьхэм къакIэлъыкIоу мэшIогъэкIосэным ылъэныкъокIэ шапхъэхэр зымыгъэцэкIэрэ гъэсэныгъэм иучреждении 5 къыхагъэщыгъэх. Хэукъоныгъэхэм янахьыбэр дагъэзыжьыгъ, адрэ къэнагъэхэр Iоныгъом и 1-р къэмысызэ зэшIуахыщтых. МэшIогъэкIосэныр щынэгъончъэным епхыгъэ хэукъоныгъэхэр дэгъэзыжьыгъэнхэм фэшI министерствэм епхыгъэ организациехэм сомэ миллиони 6,2-рэ ящыкIагъ. А мылъкур республикэ бюджетым къыхахыгъ.
Республикэ прокуратурэм къыхигъэщыгъэ хэукъоныгъэхэр зэрэдагъэзыжьыгъэхэр къэзыушыхьатырэ докладхэр чIыпIэ зыгъэIорышIэжьын къулыкъухэм 2018-рэ илъэсым шышъхьэIум и 20-м нэс профильнэ министерствэм къыIэкIагъэхьанхэ фае. Адыгеим имуниципальнэ образованиехэм (Мыекъуапэ ахэмытэу) къызэратыгъэмкIэ, илъэсыкIэ еджэгъум изыфэгъэхьазырын сомэ миллион 41-м ехъу пэIуагъэхьанэу агъэнафэ. Къоджэ псэупIэхэм адэт еджапIэхэм яспортзали 9 мы илъэсым агъэцэкIэжьыщтых, спорт оборудованиер афащэфыщт. Мыщ пэIухьащт мылъкум щы-щэу сомэ миллион 1,7-р — республикэ бюджетым, миллион 15,6-м ехъур —федеральнэ гупчэм къатIупщыщтых. Спортзалхэм язэтегъэпсыхьан пэIухьащт мылъкумкIэ лимитхэр муниципальнэ образованиехэм зэкIэми къащызэIуахыгъэх. Джырэ уахътэ ехъулIэу гъэцэкIэжьынхэр учреждении 3-мэ ащэкIох, аукционхэм зэфэхьысыжьэу афэхъущтхэм еджэпIи 5-р яжэх, зым аукцион зэхищэнэу егъэнафэ.
УФ-м и Президент иIэпэчIэгъэнэ фонд къыхэхыгъэ мылъкумкIэ тикъэлэ шъхьаIэ дэт кIэлэцIыкIу IыгъыпIэу «Звоночек» зыфиIорэмрэ Мыекъопэ районым ит кIэлэцIыкIу гъэсэныгъэ учреждениеу N 33-мрэ игъэкIотыгъэ гъэцэкIэжьынхэр ащэкIох. Апэрэ псэуалъэм сомэ миллион 14,2-м ехъу, ятIонэрэм – миллион 51,5-рэ апэIуагъэхьащт. Муниципальнэ зэзэгъыныгъэу зэдашIыгъэхэм адиштэу илъэсэу тызхэтым ишышъхьэIу и 1-м ехъулIэу псэолъэшI IофшIэнхэр зэкIэ агъэцэкIэнхэ фае.
Гъэсэныгъэм иучреждениехэм яIэ автобус 70-кIэ кIэлэеджакIохэр еджапIэхэм къаращалIэх. 2017-рэ илъэсым мыщ фэдэ транспорт 18 кIэхэмкIэ зэблахъугъэх.
КIэлэеджакIохэм агъэфедэрэ «рабочэ тетрадьхэм» язэгъэгъотынкIэ гумэкIыгъохэр зэрэщыIэхэр хэткIи нафэ. КIэрэщэ Анзаур къызэриIуагъэмкIэ, мыщ фэдэ пкъыгъохэр амыгъэфедэнхэр нахь тэрэзэу ведомствэм елъытэ. Ау ащ дакIоу еджапIэм а шIыкIэр ыштэн ылъэкIыщт, ау тетрадьхэм ящэфын пэIухьащт мылъкур ежь къыгъотын фае.
УФ-м и Президент къыгъэуцугъэ пшъэрылъхэм ащыщэу гурыт еджапIэхэм ачIэс кIэлэеджакIохэм арагъэгъотырэ гъэсэныгъэр шэпхъэшIухэм адиштэнымкIэ 2017 — 2018-рэ илъэс еджэгъум къэгъэлъэгъон анахь дэй зиIэгъэ учреждениехэу республикэм итхэм Iоф зэрадашIэрэм, ахэм язэфэхьысыжьхэм КIэрэщэ Анзаур къатегущыIагъ. Министрэм къызэрэхигъэщыгъэмкIэ, зэтыгъо къэралыгъо ушэтынхэм ятынкIэ (анахьэу урысыбзэмкIэ ыкIи хьисапымкIэ) гъэхъагъэ зимыIэ еджапIэхэм якIэлэегъаджэхэм семинархэр, егъэджэн курсхэр афызэхащагъэх. ЗэкIэмкIи нэбгырэ 1363-рэ мы программэмкIэ рагъэджагъэх. Ахэм афэдэ еджапIэхэм япащэхэм ыкIи ахэм ягуадзэхэм яквалификацие хагъэхъоным фэшI курсхэр рагъэкIокIыгъэх. ТапэкIи а IофшIэныр лъагъэкIотэщт.
Сабый зиIэхэм IэпыIэгъу арагъэгъоты
Зэхэсыгъом Iофыгъо шъхьаIэу къыщаIэтыгъэхэм ащыщ 2018-рэ илъэсым къыщыублагъэу апэрэ сабый къызфэхъугъэхэм (зыпIунэу зыштагъэхэм) IэпыIэгъу афэхъугъэнымкIэ хэбзэгъэуцугъэр республикэм щыгъэцэкIагъэ зэрэхъурэр. Адыгеим IофшIэнымкIэ ыкIи социальнэ хэхъоныгъэмкIэ иминистрэу Мырзэ Джанбэч къызэриIуагъэмкIэ, илъэсэу тызхэтым телъытагъэу мы программэм игъэцэкIэн пэIуагъэхьанэу сомэ миллион 41,1-м ехъу республикэм къыфатIупщыгъ. Мэкъуогъум и 13-м ехъулIэу шъолъырым сомэ миллион 14,6-рэ къыIэкIэхьагъ. Апэрэ сабый къызфэхъугъэхэ е апIунэу зыштэгъэ нэбгырэ 300-м ехъумэ ар къаратыным фэшI социальнэ ухъумэнымкIэ къулыкъухэм зафагъэзагъ. Ахэм ащыщэу 16-мэ язаявлениехэр щагъэзыягъэх, адрэхэм адырагъэштагъ. Джырэ уахътэ ехъулIэу АдыгеимкIэ мы социальнэ IэпыIэгъур сомэ 9325-рэ мэхъу, сабыир рыпсэунымкIэ ахъщэ анахь макIэу регионым щагъэнэфагъэм ар дештэ. Министерствэм пэшIорыгъэшъэу къызэрилъытагъэмкIэ, 2028-рэ илъэсым республикэм щыпсэурэ нэбгырэ мини 2,7-м ехъу мы программэм къыхэлэжьэнхэ алъэкIыщт. Шапхъэу щыIэхэм адиштэу зитхылъхэр къэзыгъэхьазырырэ пстэуми IэпыIэгъу афэхъущтых.
Зэхэсыгъом хэлэжьагъэхэр нэмыкI Iофыгъохэми ахэплъагъэх, унашъохэр ашIыгъэх.
