Владимир Нарожный принял участие в открытии нового здания Тахтамукайской центральной районной больницы
Глава РА Мурат Кумпилов поздравил жителей района со значимым событием.
Обращаясь к собравшимся, Глава Адыгеи подчеркнул, что открытие нового лечебного корпуса районной больницы – это еще один важный шаг в повышении качества и доступности медицинских услуг в рамках реализации стратегических инициатив Президента РФ Владимира Путина в сфере здравоохранения. Завершить начатое в 2007 году строительство здания удалось благодаря поддержке Правительства Российской Федерации и лично Дмитрия Медведева. Мурат Кумпилов выразил слова благодарности строителям, всем, кто принимал участие в создании медучреждения.
Новое здание отвечает всем современным стандартам и оснащено новым оборудованием. В лечебном корпусе размещено несколько отделений стационара: педиатрическое, терапевтическое и неврологическое. Первый этаж отведен под поликлинику с кабинетами стоматолога, рентгенодиагностики и лаборатории. Здесь созданы все комфортные условия для пациентов и медицинского персонала, что обязательно будет способствовать оказанию качественной медицинской помощи населению.
Медицинэ IофышIэм и Мафэу къэблагъэрэм ипэгъокIэу район сымэджэщыр къызэIуахыгъ. Щэу зэтет псэуалъэр аужырэ шапхъэхэм адиштэу гъэпсыгъэ. Сымаджэхэр чIэгъолъхьанхэ алъэкIынэу чIыпIэ 50 иI, поликлиникэм зы сменэм къыкIоцI нэбгырэ 200-мэ IэпыIэгъу ащыфэхъунхэ алъэкIыщт.
КъумпIыл Мурат къэзэрэугъоигъэхэм закъыфигъазэзэ кIигъэтхъыгъ УФ-м и Президент къыгъэуцугъэхэ стратегическэ инициативэхэр гъэцэкIагъэхэ хъунхэмкIэ район сымэджэщым къыщызэIуахыгъэ Iэзэн корпусыр мэхьанэ ин зиIэ лъэбэкъоу зэрэщытыр.
2007-рэ илъэсым Тэхъутэмыкъое район сымэджэщым ишIын рагъэжьагъ, ау ахъщэ зэрэщымыIэм ыпкъ къикIыкIэ IофшIэныр къызэтеуцагъ. УФ-м и Правительствэ ыкIи Дмитрий Медведевыр ышъхьэкIэ IэпыIэгъу къызэрафэхъугъэм ишIуагъэкIэ илъэсыбэрэ щытыгъэ псэуалъэм ишIын рагъэжьэжьыгъ. Сомэ миллиони 143-рэ фэдиз IофшIэнхэм апаIуагъэхьанэу къатIупщыгъ. Ахэм ащыщэу миллион 18-кIэ оборудованиякIэхэр зэрагъэгъотыгъэх.
Ахъщэу къатIупщыгъэр зэрифэшъуашэу зэрагъафэмэ, IофшIэнхэр зэрэкIорэм Адыгеим и ЛIышъхьэ ежь ышъхьэкIэ лъыплъагъ. Сымэджэщым икъызэIухын фэгъэхьыгъэ мэфэкI зэхахьэм псэуалъэр зышIыгъэхэм рэзэныгъэ гущыIэхэр афигъэзагъэх. ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Марк-Сервис» зыфиIорэм ипащэу Цуекъо Мурат ыкIи ащ иIофышIэхэм охътэ кIэкIым къыкIоцI зэрифэшъуашэу псэуалъэр зэрашIыгъэр КъумпIыл Мурат игущыIэ къыщыхигъэщыгъ.
- СымэджэщыкIэм амалэу иIэхэм псауныгъэр къэухъумэгъэным исистемэ нахьышIу хъуным зэрэфэIорышIэщтым сицыхьэ телъ, - къыIуагъ КъумпIыл Мурат. - Республикэм икъэралыгъо хэбзэ къулыкъухэр федеральнэ программэхэм тапэкIи ахэлэжьэщтых, медицинэр цIыфхэм нахь апэблагъэ хъуным фэIорышIэщтых. Ау, Iофэу зэшIотхырэм медицинэ IофышIэхэри къыхэлэжьэнхэ, опытэу аIэкIэлъым хагъэхъо зэпытын, сымаджэхэм зэрифэшъуашэу апэгъокIынхэ фае.
Адыгэ Республикэм псауныгъэр къэухъумэгъэнымкIэ иминистрэу Мэрэтыкъо Рустем къызэриIуагъэмкIэ, тапэкIэ сымэджэщэу районым иIагъэм уигъэрэзэнэу щытыгъэп. Псэуалъэр жъы дэдагъ, специалистхэм афикъун кабинет иIагъэп. Джы, ащ фэдэ гумэкIыгъо Тэхъутэмыкъое районым иIэжьэп. Аужырэ шапхъэхэм адиштэрэ псэуалъэр зэтегъэпсыхьагъ, «бережливое производство» зыфиIорэ шIыкIэм тетэу гъэпсыгъэ.
Нэужым КъумпIыл Мурат сымэджэщыр къыплъыхьагъ, Iоф щызышIэхэрэ специалистхэм гущыIэгъу афэхъугъ, ипсауныгъэ изытети зэригъэшIагъ. Тэхъутэмыкъое район сымэджэщым иврач шъхьаIэу Нэхэе Светланэ къызэриIуагъэмкIэ, псэолъакIэм терапевтическэ, педиатрическэ, неврологическэ отделениехэр хэтых. Апэрэ къатым поликлиникэ, стоматологым, рентгенодиагносикэм ыкIи лабораторием якабинетхэр тетых. Врач шъхьаIэм игущыIэ къызэрэщыхигъэщыгъэмкIэ, врачхэм лъэшэу ащыкIэхэрэп. Республикэм анахьэу щымэкIэ кIэлэцIыкIу эндокринологыри сымэджэщым зэригъэгъотыгъ.
Тэхъутэмыкъое район сымэджэщым икъызэIухын зыхэлэжьэ нэуж Теуцожь районым щашIынэу щырагъэжьэгъэ спорт комплексыр КъумпIыл Мурат зэригъэлъэгъугъ. Федеральнэ целевой программэу «Развитие физической культуры и спорта в РФ 2014-2020 годы» зыфиIорэм къыдыхэлъытагъэу псэуалъэм ишIын рагъэжьагъ. Пэнэжьыкъуае щырагъэжьэгъэ спорт комплексым сомэ миллион 73-м ехъу пэIухьанэу агъэнафэ. Нэбгырэ 200-м ехъу зычIэфэщт псэуалъэм ишIын мы илъэсым аухыщт.
