В республике муниципалитеты подвели итоги работы на сессиях Советов народных депутатов за прошедший год

Муниципалитетэу республикэм итмэ блэкIыгъэ илъэсым Iофэу ашIагъэм зэфэхьысыжьхэр фашIыгъэх

В последние дни во всех районах с участием депутатов парламента прошли сессии Советов народных депутатов. Главы всех муниципальных образований отчитались по деятельности муниципалитетов в 2019 году. На сессиях были рассмотрены вопросы, касающиеся здравоохранения, образования, культуры, жилищных условий, социальных выплат.  Особое внимание было уделено реализации национальных и региональных проектов в районах.

Аужырэ мафэхэм парламентым идепутатхэр хэлажьэхэзэ зэкIэ районхэм народнэ депутатхэм я Советхэм ясессиехэр ащыкIуагъэх. 20I9-рэ илъэсым Iофэу ашIагъэм зэфэхьысыжьхэр район пащэмэ къыфашIыгъ. Псауныгъэм, гъэсэныгъэм, культурэм, унэ Iофхэм, социальнэ тынхэм яIофыгъохэм сессиехэм ащытегущыIагъэх. Анахьэу къащыхагъэщыгъэр лъэпкъ ыкIи шъолъыр проектхэм ягъэцэкIэн ары.

Вчера в Майкопском районе состоялась завершающая сессия, на которой глава муниципалитета Олег Топоров выступил с отчетом за 2019 год. В заседании приняли участие Глава Республики Адыгея Мурат Кумпилов, Председатель Государственного Совета – Хасэ Владимир Нарожный, депутаты парламента Игорь Ческидов, Олег Картамышев, Александр Колесников, Карэн Мнацаканьян и Алла Чернышова.

В отчетном докладе руководитель Майкопского района отметил, что районный бюджет по налоговым и неналоговым доходам составил 1,3 млрд. рублей, что больше аналогичного периода на 7%. Объем отгруженной продукции превысил 3 млрд. рублей и составил 118,7% к уровню 2018 года. Уровень зарегистрированной безработицы ниже среднереспубликанского и равен 0,7%. В администрации муниципалитета была произведена реорганизация для повышения эффективности управления и улучшения работы с обращениями граждан. Также Олег Топоров подробно рассказал о деятельности в сферах образования, культуры, сельского хозяйства, здравоохранения, демографии, архитектурной и градостроительной деятельности и других.

Глава Адыгеи Мурат Кумпилов поблагодарил руководство района, депутатский корпус, сотрудников районных ведомств и всех жителей муниципального образования за добросовестную работу. Он обозначил ряд задач, которые касаются эффективной реализации нацпроектов, направленных на обеспечение доступности современных медицинских и образовательных услуг, укрепление материально-технической базы отраслевых организаций (школ, детсадов, поликлиник, больниц, социальных учреждений, домов культуры, спортшкол), наращивания кадрового потенциала, развития сельского хозяйства, туристской инфраструктуры района, улучшения демографии и других.

В этот день Глава Адыгеи посетил детский сад «Жемчужина» в п. Удобный, районную больницу в п. Тульский и побывал в гостях у многодетной семьи.

Мыекъопэ районым инароднэ депутатхэм я Совет изэхэсыгъоу щыIагъэм 20I9-рэ илъэ­сым администрацием, ащ ипащэ Iофэу ашIагъэр щызэфа­хьысыжьыгъ, пшъэрылъыкIэхэр агъэнэфагъэх. Ар зэрищагъ Со­ветым итхьаматэу М. Марьиным.

Адыгэ Республикэм и ЛIышъхьэу КъумпIыл Мурат, АР-м и Къэралыгъо Совет — Хасэм и Тхьаматэу Владимир Нарожнэр, депутатхэу Игорь Ческидовыр, Олег Картамышевыр, Александр Колесниковыр, Карэн Мнацаканьян ыкIи Алла Чернышевар,  федеральнэ инспектор шъхьаIэу Сергей Дрокиныр, министрэхэр, му­ниципалитетым ипащэу Олег Топоровыр зэхэсыгъом хэлэжьагъэх.
 

Район администрацием ипащэу Олег Топоровым доклад къызешIым  анахьэу ынаIэ зытыридзагъэхэр 2030-рэ илъэсым нэс муниципалитетым хэхъоныгъэхэр ышIынхэм фытегъэпсыхьэгъэ Стратегием илъэ­ныкъо шъхьаIэхэм ягъэцэ­кIэн ары. БлэкIыгъэ илъэсым изэфэхьысыжьхэм закъыфэб­гъазэмэ, сомэ миллион 346-рэ зытефэрэ социальнэ псэуалъэ­хэр районым щашIыгъэх ыкIи щагъэцэкIэжьыгъэх. Зэхэубытэгъэ бюджетым ихахъохэр сомэ миллиард 1,3-рэ мэхъу, ащ щыщэу миллион 877-р федеральнэ ыкIи республикэ IэпыIэгъу, миллион 425-р — районым иунэе хахъу. Ыпэрэ илъэсым егъэпшагъэмэ, якъэгъэлъэгъон пстэуми арагъэхъун алъэкIыгъ. Непэрэ мафэм ехъулIэу предпринимательствэ цIыкIум ыкIи гурытым ахэщагъэхэм япчъагъэ 1934-рэ мэхъу. Зянэ-зятэ зимыIэжьхэм ыкIи ахэр зышъхьащымытыжьхэм 2019-рэ илъэсым псэупIибл арагъэгъотыгъ. Ау джыри учетым нэбгырэ 76-рэ хэт. Ахэм яфэIо-фашIэхэр гъэцэкIэгъэнхэм фэшI поселкэу Удобнэм униплI щашIын гухэлъ зэрэщыIэр район администрацием ипащэ къыIуагъ. ХэбзэIахь ыкIи мыхэбзэIахь хахъохэри нахьыбэ зэрэхъугъэм мэхьанэшхо иI.

Ау, арэу щытми, лъэныкъо зырызхэмкIэ щыкIагъэхэр зэрэщыIэхэр, ахэр дэгъэзыжьыгъэнхэм анаIэ зэрэтырагъэтыщтыр Олег Топоровым къыхигъэщыгъ. Мыщ дэжьым инфраструктурэм епхыгъэ Iофыгъохэр арых анахь шъхьаIэу зигугъу къышIыгъэхэр.

Iофтхьабзэм хэлэжьагъэхэм ащыщхэм муниципалитетым ипащэ упчIэхэр фагъэзагъэх. НахьыбэрэмкIэ ахэр зыфэгъэ­хьыгъагъэхэр газ ыкIи псырыкIуапIэхэм ягъэпсын, социальнэ псэуалъэхэм яшIын ягъэцэкIэ­жьын, инфраструктурэм изэ­тегъэпсыхьан, нэмыкIхэри.

Администрацием, ащ ипащэ яIофшIэн зэрагъэцэкIагъэм уигъэ­рэзэнэу щытэу народнэ депутатхэм я Совет хэтхэм зэ­даштагъ.

Адыгеим и ЛIышъхьэ гущыIэр зештэм, районым хэхъоныгъэ ышIынымкIэ амалышIухэр зэрэ­IэкIэлъхэр, зыдэщыс чIыпIэр хъопсагъоу зэрэщытыр къыз­фигъэфедэн зэрэфаер хигъэунэфыкIыгъ. Пшъэрылъэу къэуцу­хэрэр зэшIохыгъэнхэм фэшI лъэпкъ проектхэр гъэцэкIэгъэнхэм, федеральнэ программэ-
хэм ахэлэжьэгъэным мэхьанэшхо зэряIэр къыхигъэщыгъ, анахьэу щыIэкIэ-псэукIэр на­хьышIу шIыгъэным анаIэ ты­рагъэтынэу къафигъэпытагъ.

БлэкIыгъэ илъэсым изэфэ­хьысыжьхэм закъыфэбгъазэмэ, муниципалитетым гъэхъэгъэшIухэр ышIынхэ зэрилъэкIыгъэр республикэм ипащэ къыхигъэщыгъ. Анахьэу зигугъу къышIыгъэр чъыгхатэхэм ягъэтIысын ары. Ыпэрэ илъэсым егъэпшагъэмэ, мыхэм чIыпIэу аубытырэм фэдищкIэ хагъэ­хъуагъ. Ащ дакIоу мэкъумэщ хъызмэтым хэщагъэхэм къэралыгъо IэпыIэгъу ягъэгъотыгъэным фытегъэпсыхьэгъэ амалхэр районым нахь къызфигъэфедэнхэ зэрэфаер къариIуагъ.

— Бизнес цIыкIум ыкIи гурытым ахэщагъэхэм япчъагъэ районым щыхэгъэхъогъэн фае. РеспубликэмкIэ а къэгъэлъэ­гъоныр проценти 6,6-м нэсымэ, муниципалитетым проценти 6,I-рэ мэхъу. Предприни­мательствэм IэпыIэгъу фэ­хъугъэным фытегъэпсыхьэгъэ Гуп­чэу «Сибизнес» зыфиIорэр Мыекъуапэ къыщызэIутхыгъ, ащ амалэу къытыхэрэр къызфэ­жъугъэфедэх, — къыIуагъ Къум­пIыл Мурат къэзэрэугъоигъэхэм закъыфигъазэзэ.

Районым иэкономикэ къыхалъхьэхэрэ инвестициехэр нахьыбэ шIыгъэнхэр пшъэрылъ шъхьаI. Мы лъэныкъомкIэ муниципалитетым амалышIухэр IэкIэлъых, зыдэщыс чIыпIэри хъопсагъоу щыт. Арышъ, а пстэу­ри администрацием къыз­фигъэфедэнхэ, ащ дакIоу чIыпIэ бюджетым ихахъохэр на­хьыбэ ышIынхэ фае.

Адыгеим и ЛIышъхьэ нахь къыхигъэщыгъэр муниципа­ли­тетымкIэ мэхьанэшхо зиIэ зе­кIоным хэхъоныгъэ ышIыныр, фэIо-фашIэу мыщ епхыгъэхэр зыгъэцакIэхэрэ предпринимательхэм IэпыIэгъу ягъэгъоты­гъэныр ары.

— ЗекIоным хэхъоныгъэ ышIыныр къызэтезыгъэуцорэ инфраструктурнэ щыкIагъэхэр дэгъэзыжьыгъэнхэмкIэ мы аужырэ илъэсхэм республикэм зэшIуихыгъэр бэ. 2014-рэ илъэ­сым къыщегъэжьагъэу газ ыкIи псырыкIуапIэхэм, автомобиль гъогухэм яшIын сомэ миллиардитIурэ ныкъорэ фэдиз атефагъ. Мылъкур федеральнэ ыкIи шъолъыр бюджетхэм къатIупщыгъэх, — къыIуагъ КъумпIыл Мурат. — Мы илъэсым зекIон кластерэу «Зихия» зыфиIорэм иинфраструктурэ игъэпсын сомэ миллион шъитф фэдиз пэIуд­гъэхьанэу тэгъэнафэ. Ащ къыкIэлъыкIощт илъэситIуми Iоф­шIэныр дгъэлъэшыщт. Феде­ральнэ бюджетым къытфитIупщырэ мылъкумкIэ автомобиль гъогоу «Гъозэрыплъ — Лэ­гъо-Накъэ» зыфиIорэм ишIын лъыд­гъэкIотэщт. Инженернэ ыкIи гъогу инфраструктурэ зэрэд­гъэпсырэм джыри зы мэхьанэшхо иI — муниципалитетым щыпсэухэрэм ящыIакIэ нахьышIу хъуным фэIорышIэщт. Районым щытшIэрэм шIуагъэу къытырэр цIыфхэм зызэхашIэщтыр, за­лъэ­гъущтыр гъэстыныпхъэ шхъуан­тIэр, зашъохэрэ псыр унэ пэпчъ ещэлIагъэхэ зыхъукIэ ары.

Псауныгъэр къэухъумэгъэным иIофыгъохэр непэ пстэуми апшъэу зэрэщытыр республикэм ипащэ хигъэунэфыкIыгъ. Апэрэ медикэ-санитар IэпыIэгъум хэ­хъоныгъэ ышIыным, цIыфхэм яфэIо-фашIэхэр зэрифэшъуашэу афагъэцэкIэнхэм мэхьа­нэшхо иIэу ылъытагъ. Мы илъэ­сым къыдыхэлъытагъэу районым ипсэупIитфымэ фельд­шер-мамыку IэзапIэхэр ащашIынхэу агъэнафэ. Поселкэу Тульскэм район поликлиникэ, джащ фэдэу станицэу Абадзехскэмрэ поселкэу Победэмрэ амбулаториехэр ащыгъэпсыгъэнхэм пае проектнэ-сметнэ документациер агъэ­хьазыры.

Гъэсэныгъэм ылъэныкъокIи гухэлъ гъэнэфагъэхэр щыIэх. ЕджапIэхэм, кIэлэцIыкIу IыгъыпIэхэм язэтегъэпсыхьан лъа­гъэкIотэщт, ящыкIэгъэ оборудованиер арагъэгъотыщт. Социальнэ пшъэрылъхэр гъэцэкIэ­гъэнхэр сыдигъуи анахь шъхьа­Iэу зэрэщытыр, ащ фэшI Iэпы­Iэгъу зищыкIагъэхэ цIыфхэм, анахьэу щыIэныгъэм чIыпIэ къин ригъэуцуагъэхэм, алъыIэсынхэ, яшIуагъэ арагъэкIын зэрэфаер АР-м и ЛIышъхьэ къыIуагъ.

— «Единэ Россием» ипартийнэ проектхэр республикэм щыгъэцэкIэгъэнхэм мэхьанэшхо етэты. Мыщ дэжьым анахьэу зигугъу къыщытшIын тлъэкIыщтыр кIэлэцIыкIу спортымрэ къэлэ щыIакIэмрэ афытегъэ­псыхьэгъэ проектхэр арых.

Ахэм къадыхэлъытагъэу къоджэ еджапIэхэм ахэт спортзалхэр тэгъэцэкIэжьых, общественнэ чIыпIэхэр ыкIи щагухэр зэтетэгъэпсыхьэх. Мы илъэсымкIэ гухэлъэу тиIэхэм ащыщ поселкэу Тимирязевым ипарк зэтедгъэпсыхьаныр, ащ сомэ мил­лиони 5,6-м ехъу пэIудгъэхьащт. Джащ фэдэу Первомайскэмрэ Дахъорэ гъэсэныгъэмкIэ яучреждениехэм ахэт спортзалхэр дгъэцэкIэжьынхэу тэгъэ­нафэ. Мы IофшIэнхэм цIыфхэр къахэгъэлэжьэгъэнхэм, ахэм яшIуагъэ къагъэкIоным мэхьа­нэшхо зэриIэри зыщыдгъэгъу-пшэ хъущтэп, — къыIуагъ Адыге­им и ЛIышъхьэ.

Муниципалитетым игъогухэм къатехъухьэгъэ хъугъэ-шIагъэ­хэм ахэкIодагъэхэм япчъагъэ блэкIыгъэ илъэсым нахь макIэ зэрэхъугъэм мэхьанэшхо иIэу республикэм ипащэ къыIуагъ. А IофшIэныр тапэкIи лъагъэ­кIо­тэнэу, къэгъэлъэгъонхэр джы­ри нахьышIу ашIынхэу муниципалитетым ипащэхэми, хэбзэу­хъумакIохэми пшъэрылъ къафишIыгъ.

ЦIыфхэм ягумэкIыгъохэр зэ­хэфыгъэнхэр, ахэм IэпыIэгъу афэхъуныр пшъэрылъ шъхьаIэу зэрэщытыр республикэм ипащэ джыри зэ къыгъэнэфагъ. А лъэныкъомкIэ администрацием, ащ ипащэ нахь чанэу Iоф ашIэнэу афигъэпытагъ.

Демографием, ТекIоныгъэм ия 75-рэ илъэс ихэгъэунэфыкIын яIофыгъохэм, щыIэныгъэм инэмыкI лъэныкъуабэм рес­публикэм ипащэ къащыуцугъ, пшъэрылъхэр къыгъэнэфагъэх.

КIэлэцIыкIу IыгъыпIэр

Республикэм ипащэ зыхэт лIыкIо купыр мы мафэм зэкIолIагъэхэм ащыщ нэбгырэ 240-мэ ателъытэгъэ кIэлэцIыкIу IыгъыпIэу «Жемчужинка» зыфиIоу поселкэу Удобнэм ща­шIыгъэр ары.

Мы проектым игъэцэкIэн сомэ миллиони I53,5-м ехъу пэIуагъэхьагъ. Ащ щыщэу сомэ миллиони 124,2-р — федеральнэ гупчэм, миллион I3,8-р —республикэм, сомэ миллион 15,4-р муниципальнэ бюджетым къахахыгъэх. ПсэолъэшI Iоф­шIэнхэр зыгъэцэкIагъэр пшъэ­дэкIыжьэу ыхьырэмкIэ гъунэ­пкъэ гъэнэфагъэ зиIэ обществэу «Марк-Сервис» зыфиIорэр ары.

Гъэсэныгъэм иучреждениеу тIоу зэтетыр аужырэ шапхъэхэм адиштэу зэтырагъэпсыхьагъ, ясельнэ купхэри къыдыхэлъытагъэх. ПсэупIэхэу Удобнэмрэ Тульскэмрэ къарыкIыхэрэ кIэлэ­цIыкIухэр арых мыщ къакIохэрэр.

Учреждением хэт шхапIэр, спортзалыр, джэгупIэ чIыпIэхэр, нэмыкIхэри КъумпIыл Мурат къыплъыхьагъэх, сабыйхэм, кIэ­лэпIухэм, ны-тыхэм гущыIэгъу афэхъугъ. Псэуалъэр зэрэзэтырагъэпсыхьагъэм осэшIу фи­шIыгъ.

ИгъэкIотыгъэ гъэцэкIэжьынхэр арашIылIагъэх

Район гупчэ сымэджэщым икIэлэцIыкIу-поликлиническэ, хирургие ыкIи мыхъужьын уз хьылъэ зиIэхэм зыщяIазэхэрэ (паллиативнэ)отделениехэм игъэкIотыгъэ гъэцэкIэжьынхэр ащыкIуагъэх. Непэрэ мафэм ехъулIэу ашIагъэм, псэуалъэр зэрэзэтырагъэпсыхьагъэм къытегущыIагъ учреждением иврач шъхьаIэу Алла Чернышовар.

Сымэджэщым иотделениехэм язэтегъэпсыхьан мэхьанэшхо зэриIэр республикэм ипащэ хигъэунэфыкIыгъ. Ау ащ дакIоу щыкIагъэ, гумэкIыгъо зыдэщыIэ лъэныкъохэм акIэупчIагъ, ахэр къыплъыхьагъэх. ГущыIэм пае, шхапIэр, лабораториер, гыкIапIэр зычIэтхэми игъэкIотыгъэ гъэцэкIэжьынхэр ящыкIагъэх. Джащ фэдэу учреждением ищагуи изытет нахьышIу шIыгъэн фае. А пшъэрылъхэр зэшIохыгъэнхэм фэшI профильнэ ве­домствэм, муниципалитетым, ежь сымэджэщым предложение гъэнэфагъэхэр къахьынхэу афигъэпытагъ.

— Псауныгъэр къэухъумэ­гъэным хэхъоныгъэ ышIыным, анахьэу апэрэ медицинэ Iэпы­Iэгъум исистемэ гъэкIэжьыгъэным муниципалитетыр пылъын фае. Ащ дакIоу специалистхэр къуаджэм къещэлIэгъэнхэр, лъэпкъ проектымкIэ къэгъэлъэ­гъон гъэнэфагъэхэм такIэхьаныр пшъэрылъ шъхьаIэх. Ахэр арых анахьэу шъунаIэ зытетынхэ фаер, — къыIуагъ КъумпIыл Мурат сымэджэщым икъулы­къушIэхэм закъыфигъазэзэ.

Поселкэу Тульскэм дэсхэ Сергей ыкIи Алена Андреянчевхэр илъэс 20 хъугъэу зэ­дэпсэух, зэгурыIоныгъэ азыфагу илъэу сабыиплI зэдапIу. Мы унагъом Адыгеим и ЛIышъхьэ ихьэкIагъ.

Унагъом ищыIэкIэ-псэукIэ зыфэдэм республикэм ипащэ зыщигъэгъозагъ, нахьыжъхэм, кIэлэцIыкIухэм шъхьэихыгъэу адэгущыIагъ.