В рамках визита состоялся ряд встреч: Главы РА Мурата Кумпилова с Президентом Абхазии Раулем Хаджимбой, Председателя республиканского парламента Владимира Нарожного со спикером Парламента Республики Абхазия Валерием Кварчия, с членами Кабинета Министров Абхазии.
Основной темой обсуждения стало укрепление и развитие многовековых связей братских народов двух республик в различных сферах – экономике, здравоохранении, образовании, культуре и т.д. Также стороны рассмотрели возможность расширения парламентского взаимодействия законодательных органов республик.
Делегация из Адыгеи приняла участие в торжественном мероприятии, посвященном 100-летию 7-й Краснодарской Краснознамённой орденов Кутузова и Красной Звезды военной базы, побывала на территории 7-й военной базы в Гудауте.
Адыгеим иофициальнэ лIыкIо купэу Къумп1ыл Муратэ зипащэм хэтыгъэх АР-м и Къэралыгъо Совет—Хасэ и Тхьаматэу Владимир Нарожнэр, Премьер-министрэу Александр Наролиныр, АР-м и Л1ышъхьэ ык1и АР-м и Министрэхэм я Кабинет ипащэу Тхьак1ущынэ Мурат, парламент комитетым итхьаматэу Олег Картамышевыр, гъэсэныгъэмрэ ш1эныгъэмрэк1э АР-м иминистрэу К1эрэщэ Анзаур, культурэмк1э АР-м и Министрэу Аулъэ Юр, псауныгъэм икъэухъумэнк1э АР-м и Министрэу Мэрэтыкъо Рустем. Абхъазым зыкIэкIогъагъэхэр соединениер илъэси 100 зэрэхъурэм фэшI дзэкIолIхэмрэ ветеранхэмрэ афэгушIонэу ары. Адыгеим и ЛIышъхьэу КъумпIыл Муратрэ Абхъазым и Президентэу Рауль Хаджимбэрэ язэIукIэгъукIэ Iофтхьабзэхэр рагъэжьагъэх.
ЗэIукIэгъум анахьэу зыщытегущыIагъэхэр республикитIумэ ащыпсэурэ зэкъош лъэпкъхэм лIэшIэгъубэхэм къакIоцI зэпхыныгъэу азыфагу илъ хъугъэр лъэныкъо зэфэшъхьафхэмкIэ лъыгъэкIотэгъэныр ары. ГъэсэныгъэмкIэ, псауныгъэм икъэухъумэнкIэ, культурэмкIэ, экономикэмкIэ, нэмыкI лъэныкъохэмкIэ язэдэлэжьэныгъэ зырагъэушъомбгъунымкIэ амалэу щыIэхэм зэIукIэгъум щахэплъагъэх.
Рауль Хаджимбэ зэрэхигъэунэфыкIыгъэмкIэ, Адыгеим щыщ гуфакIохэу грузинхэм Абхъазым зао къызырашIылIэм якъошхэм яшъхьафитыныгъэ къэзыухъумагъэхэр абхъаз лъэпкъым щыгъупшэхэрэп. ПстэумкIи Адыгеим икIыгъэ нэбгыри 180-рэ фэдиз Абхъазым щыкIогъэ заохэм ахэлэжьагъ. Ахэм ащыщыбэмэ орденхэмрэ медальхэмрэ къафагъэшъошагъэх.
«Заор текIыгъах, тилъэпкъхэм ящыIэкIэ-псэукIэ нахь зыкъыIэтыным пае непэ тищыIакIэ нэмыкI шъыпкъэу дгъэпсын фае. ЭкономикэмкIэ, культурэмкIэ, псауныгъэм икъэухъумэнкIэ, гъэсэныгъэмкIэ зэкъош республикхэм язэфыщытыкIэхэр нахь агъэпытэн фае. Iоф зыщызэдэтшIэн тлъэкIыщт лъэныкъуабэхэр щыIэх», — къыIуагъ Абхъазым и Президент.
КъумIыл Мурат къызэрэхигъэщыгъэмкIэ, Адыгеим илIыкIо купэу республикэм ипарламент и Тхьаматэ, и Премьер-министрэ, министерствэ заулэмэ япащэхэр зыхэтыгъэм кIэух дэгъухэр къэзытыщт Iофхэм зафытыригъэпсыхьэщтыгъ.
«Адыгеимрэ Абхъазымрэ зэкъош зэфыщытыкIэхэр зызэдыряIэр бэшIагъэ, ягушъхьэлэжьыгъэрэ яхабзэхэмрэ зэрэзэтефэрэм ахэр зэрапхых. ЛъэныкъуитIуми ткIуачIэ джыри нахь зэдетхьылIэн, сыд фэдэрэ отрасли тизэдэлэжьэныгъэ щыдгъэлъэшын фаеу сэлъытэ. Ащ республикитIуми яэкономикэ хэхъоныгъэ ригъэшIыщт, тицIыфхэм ящыIэкIэ-псэукIи нахь зыкъыригъэIэтыщт. Тэ IэпыIэгъу тызщызэфэхъужьын тлъэкIыщт лъэныкъохэр щыIэх ыкIи амалхэр икъоу дгъэфедэн фае», — хигъэунэфыкIыгъ Адыгеим и ЛIышъхьэ.
КъумпIыл Мурат зэIукIэгъум къызэрэщыхигъэщыгъэмкIэ, Адыгеимрэ Абхъазымрэ гъэсэныгъэмкIэ ыкIи наукэмкIэ яучреждениехэм IэпэIэсэныгъэшхо зыхэлъыщт кадрэхэм якъэгъэхьазырынкIэ, научнэ программэхэмрэ проектхэмрэ япхырыщынкIэ зэпхыныгъэ пытэ зэдыряI.
Культурэ-тарихъ кIэным икъэухъумэнкIэ, лъэпкъ хабзэхэм ныбжьыкIэхэр арыгъозэнхэмкIэ, республикитIумэ культурэм ылъэныкъокIэ IофтхьэбзакIэу зэрахьэхэрэм зягъэушъомбгъугъэнымкIэ Iофышхо ашIэ. Медицинэм ылъэныкъокIи опытэу яIэмкIэ зэхъожьых. Абхъазыр сатыумкIэ Адыгеим игъусэгъу анахь инхэм зэу ащыщ. Адыгеим и ЛIышъхьэ лъэныкъуитIуми язэдэлэжьэныгъэ бизнесменхэр нахь чанэу къыхэлэжьэнхэу игъо ылъэгъугъ.
Абхъазым и Президент КъумпIыл Мурат ипредложениехэм къадыригъэштагъ, зэкъош республикхэм язэдэлэжьэныгъэ Абхъазымрэ Урысыемрэ язэпхыныгъи нахь зэригъэпытэрэм анаIэ тыраригъэдзагъ.
КъумпIыл Мурат Абхъаз Республикэм и Президентэу Рауль Хаджимбэ Адыгэ Республикэм иапшъэрэ тынэу медалэу «Адыгеим и Щытхъузехь» зыфиIорэр зэIукIэгъум щыритыжьыгъ.
Главная / Пресс-служба / Новости /
0
0 
