О результатах правоприменительной практики в сфере антимонопольного, рекламного законодательства, законодательства о госзакупках и закона о торговле
Руководитель ведомства сообщил участникам мероприятия, что за 2019 год в Управление поступило 388 жалоб и обращений юридических и физических лиц. Вынесено 282 постановления об административных наказаниях. Сумма вынесенных штрафов, подлежащих взысканию за 2019 год, составила 4 млн. 538 тысяч рублей.
После заслушивания докладов состоялся диалог, в ходе публичного обсуждения участники получили возможность задать интересующие вопросы и получить на них развернутые ответы.
Гухэлъ гъэнэфагъэ зиIэ программэу «Реформа контрольной и надзорной деятельности» зыфиIорэм ипроект хэхьэу мыщ фэдэ зэхэсыгъохэм цIыф жъугъэхэр къыхагъэлажьэх.
Проектым имэхьанэр цIыфым ищыIэныгъэрэ ипсауныгъэрэ зэрарэу къафахьырэр нахь макIэ шIыгъэныр, уплъэкIун-лъыплъэн IофшIэныр нахь дэгъоу зэхэщэгъэныр, бизнесым пылъхэм апшъэ илъ административнэ пшъэдэкIыжьыр нахь макIэ шIыгъэныр, нэмыкIхэри.
Iофтхьабзэм тхьамэтагъор щызэрихьагъ монополием пэшIуекIогъэнымкIэ федеральнэ къулыкъум АР-мкIэ и ГъэIорышIапIэ ипащэу ХьапэкIэ Аслъан. Зэхэсыгъом хэлэжьагъэх федеральнэ шъолъырым игъэцэкIэкIо, Адыгэ Республикэм икъэралыгъо хэбзэ ыкIи чIыпIэ зыгъэIорышIэжьын къулыкъу-
хэм, сатыу IофшIэным пылъхэм ыкIи АР-м иобщественнэ организациехэм ялIыкIохэр. АР-м и Къэралыгъо Совет—Хасэм ыц1эк1э хэбзэгъэуцунымк1э, хабзэмк1э ык1и ч1ып1э зыгъэ1орыш1эжьыным и1офхэмк1э комитетым итхьаматэу Александр Лобода зэхэсыгъом хэлэжьагъ.
Хэбзэгъэуцугъэм къыдилъытэрэ лъэныкъо пстэури гъэцэкIэгъэным, рекламэм, къэралыгъо ыкIи муниципальнэ фэIо-фашIэхэм язаказхэр, нэмыкIхэри зэшIохыгъэнхэм лъыплъэгъэныр 2019-рэ илъэсэу икIыгъэм ГъэIорышIапIэм ипшъэрылъ шъхьэIагъ. Джащ фэдэу монополием пэшIуекIогъэнымкIэ федеральнэ къулыкъум естественнэ монополиехэм Iоф зэрашIэрэм гъунэ лъефы. А IофшIэныр зыфытегъэпсыхьагъэр ахэм къыдагъэкIырэ товархэр, агъэцэкIэрэ фэIо-фашIэхэр къызIэкIэгъэхьэгъэнымкIэ зэкIэми зэфэдэ амал яIэныр ары.
ГъэIорышIапIэм ипащэу ХьапэкIэ Аслъан къызэриIуагъэмкIэ, ГъэIорышIапIэм анахьэу ынаIэ зытыригъэтыгъэр унэе предпринимательхэм, хъызмэтшIапIэхэм ядэо тхылъхэм ахэплъэгъэнхэр ыкIи зэхэфыгъэнхэр ары. Джащ фэдэу республикэм иэкономикэ хэхъоныгъэхэр ышIынхэмкIэ зиягъэ къэкIорэ, зэнэкъокъу шIыкIэр тэрэзэу зымыгъэфедэрэ пстэуми пшъэдэкIыжь ягъэхьыгъэным, гъэцэкIэкIо хэбзэ къулыкъухэм ыкIи чIыпIэ зыгъэIорышIэжьыпIэхэм япшъэрылъхэр шIуагъэ къытэу зэшIуахынхэм мэхьанэшхо ратыгъ.
2019-рэ илъэсым юридическэ ыкIи физическэ лицэхэм ядэо тхылъ 388-рэ къулыкъум къыIэкIэхьагъ. Административнэ пшъэдэкIыжь зэрарагъэхьыщтымкIэ унэшъо 282-рэ ашIыгъ. Сомэ миллиони 4-м ехъурэ тазырыр къарагъэтыжьыгъ.
Монополием пэшIуекIорэ хэбзэгъэуцугъэр зэрагъэцакIэрэм ылъэныкъокIэ ГъэIорышIапIэм блэкIыгъэ илъэсым уплъэкIун 65-рэ зэхищагъ. Монополием пэшIуекIорэ хэбзэгъэуцугъэр аукъуагъэу IофшIэпIи 122-мэ яIофшIэн къызэтырагъэуцуагъ.
Хэукъоныгъэ анахь инэу къыхагъэщыхэрэм ащыщых сатыум ылъэныкъокIэ хэбзэгъэуцугъэр укъуагъэ зэрэхъугъэр, аукционхэм язэхэщэнкIэ зэзэгъыныгъэхэр зэраукъуагъэхэр, рекламэм икъегъэкIокIынкIэ хэукъоныгъэхэр къызэрэхагъэщыгъэхэр, нэмыкIхэри. Мы лъэныкъохэмкIэ хэукъоныгъэу къыхагъэщыгъэхэр дэгъэзыжьыгъэнхэмкIэ унашъохэр ашIыгъэх.
Административнэ тазырхэр зытыралъхьагъэхэм ащыщых «Кубаньэнерго», пшъэдэкIыжьэу ахьырэмкIэ гъунэпкъэ гъэнэфагъэ зиIэ обществэхэу «Майкопская ТЭЦ», «Айс-продукт» зыфиIохэрэр, нэмыкIхэри.
РекламэмкIэ монополием пэшIуекIорэ хэбзэгъэуцугъэр аукъуагъэу дэо тхылъ 20 зэхафыгъ, ахэмкIэ Iоф 14 къызэIуахыгъ. Федеральнэ къулыкъум уасэхэмкIэ ГъэIорышIапIэм зэпхыныгъэ пытэ дыриI. Хъызмэтхэр зезыхьэхэрэм, унэе предприятие инхэм, гъэцэкIэкIо хэбзэ ыкIи чIыпIэ зыгъэIорышIэжьынымкIэ къулыкъухэм ядэо тхылъхэм язэхэфын ГъэIорышIапIэм лъэшэу ынаIэ тырегъэты. Джащ фэдэу гъэстыныпхъэ шхъуантIэм, углеводороднэ газым ыкIи гъомылапхъэхэм ащыщхэм ауасэхэр къамыIэтынхэм фытегъэпсыхьэгъэ уплъэкIунхэр зэхещэх.
УФ-м и Правительствэ иунашъокIэ 2020-рэ илъэсым мэзаем къыщегъэжьагъэу АР-м Iоф щызышIэрэ аптекэхэм ащащэрэ медицинэ маскэхэм ауасэ зыфэдизыр ауплъэкIу. Гъэтхапэм и 2-м ехъулIэу къаIэкIэхьэгъэ къэбарымкIэ мыщ фэдэ маскэхэм уасэу яIэр соми 7-м ехъурэп. ТапэкIи уплъэкIунхэр лъагъэкIотэщтых.
