Государственный Совет-Хасэ Республики Адыгея
Поиск | Войти

Къэбархэр

путь на сайтеГлавная / /

 



Страницы:     

Архив по годам:
Публикаций в разделе - 57
17 июля 2018 года 12:39

ЛIэшIэгъу гъогу къэзыкIугъэ дивизиер

Кутузовым ыкIи Жъогъо Плъыжьым яорденхэр къызыфагъэшъошэгъэ я 9-рэ Краснодарскэ Краснознаменнэ мотострелковэ дивизиер (республикэм Мыекъопэ бригадэкIэ щеджэх) зызэхащагъэр мы мафэхэм илъэси 100 хъущт.

16 июля 2018 года 17:53

АР-м ихэбзэгъэуцугъэу « АР-м социальнэ-экономическэ хэхъоныгъэхэр 2025-м нэс егъэш1ыгъэным» зыфи1орэр гъэцэк1эгъэным пае

Адыгэ Республикэм социальнэ-экономическэ хэхъоныгъэхэр ышIынхэмкIэ и Стратегие фэгъэхьыгъэ хэбзэгъэуцугъэр нахьышIу шIыгъэнымкIэ цифровой технологиехэр гъэфедагъэхэ зэрэхъухэрэм тегущыIагъэх. АР-м информатизациемкIэ и ГъэIорышIапIэ ипащэу Нэпсэу Индар ащ фэгъэхьыгъэу къэгущыIагъ:

16 июля 2018 года 17:48

Унагъом икъэухъумэн фэгъэхьыгъагъ

Къэралыгъо Совет—Хасэм изэхэсыгъо  и «Парламент сыхьат» къыдыхэлъытагъэу Адыгеим иунэгъо политикэ гъэкIэжьыгъэным фытегъэпсыхьэгъэ программэу 2015 — 2018-рэ илъэсхэм ателъытагъэр гъэцэкIагъэ зэрэхъурэм щигъэгъозагъэх АР-м IофшIэнымкIэ ыкIи социальнэ хэхъоныгъэмкIэ иминистрэу Мырзэ Джанбэч.

16 июля 2018 года 17:46

Аттракционнэ техникэу шапхъэмэ адимыштэрэр зыгъэлажьэрэмэ пшъэдэкIыжьэу арагъэхьыщтыр агъэнэфагъ

Непэ АР-м и Къэралыгъо Совет—Хасэм идепутатмэ республикэ Прокурорым дырагъэштагъ ыкIи АР-м ихэбзэгъэуцугъэу «Административнэ хэбзэукъоныгъэхэр» зыфиIорэм зэхъокIыныгъэхэр фашIыгъэх аттракционнэ техникэу шапхъэмэ адимыштэрэр зыгъэлажьэрэмэ пшъэдэкIыжьэу арагъэхьыщтыр зыфэдизыщтым фэгъэхьыгъэу.

16 июля 2018 года 17:28

Пенсиехэм ягъэнэфэнкIэ ыкIи ятынкIэ Урысые Федерацием ихэбзэгъэуцугъэ ихэушъхьафыкIыгъэ актхэм зэхъокIыныгъэхэр афэшIыгъэнхэм фэгъэхьыгъэ законым ипроект депутатхэр хэплъагъэх

АР-м и Къэралыгъо Совет—Хасэ изэхэсыгъо депутатхэр анахь шъхьаIэу ыкIи игъэкIотыгъэу зытегущыIагъэхэм ащыщ пенсиехэм ягъэнэфэнкIэ ыкIи ятынкIэ Урысые Федерацием ихэбзэгъэуцугъэ ихэушъхьафыкIыгъэ актхэм зэхъокIыныгъэхэр афэшIыгъэнхэм фэгъэхьыгъэ законым ипроект. Ар пенсием зыщыкIощтхэ ныбжьэу непэ къэралыгъом илъыр къэIэтыгъэныр ары зыфэгъэхьыгъэр. Непэ ащ Урысыем исубъектхэм зэкIэми ащыхэплъэх. Адыгеим и Парламент идепутатхэми еплъыкIэу фыряIэр къыраIотыкIыгъ. Партиехэм яф­ракциеу ащ хахьэхэрэм зэкIэми ялIыкIохэр къэгущыIагъэх. Апэ Урысые Федерацием икоммунистическэ партие и Адыгэ шъолъыр къутамэ идепутатхэм гущыIэр аштагъ.

16 июля 2018 года 17:23

Нахьыбэм дырагъэштагъ

Тыгъуасэ, бэдзэогъум и 16-м, АР-м и Къэралыгъо Совет – Хасэм я XXVII-рэ зэхэсыгъоу иIагъэм хэлэжьагъэх АР-м и ЛIышъхьэу КъумпIыл Мурат, министрэхэм я Кабинет хэтхэр, федеральнэ ыкIи республикэ къулыкъухэм, ведомствэхэм, муниципальнэ образованиехэм япащэхэр, нэмыкIхэр. Зэрэхабзэу, ар зэращагъ Парламентым и Тхьаматэу Владимир Нарожнэм, ащ игуадзэхэу Iэщэ Мухьамэд, Шъэо Аскэр.

13 июля 2018 года 12:21

Депутатхэр зыхэлэжьэгъэхэ дэкIыгъо уплъэкIуныр

АР-м и Къэралыгъо Совет—Хасэм идепутатэу Сергей Белокрыс зыныбжь имыкъугъэхэм яIофхэмкIэ ыкIи якъэухъумэгъэнымкIэ республикэ комиссиеу щыIэм хэтэу Адыгэкъалэ кIуагъэ. Шъолъыр органым иуплъэкIун ыпэкIэ зэхагъэуцогъэ графикым елъытыгъэу ар агъэнэфэгъагъ.

13 июля 2018 года 12:18

ИшIуагъэ аригъэкIыгъ

Республикэм итворческэ купхэм IэпыIэгъу ягъэгъотыгъэныр депутатхэм хэбзэшIу афэхъугъ. Сэнаущыгъэ зыхэлъ ныбжьыкIэхэр зэнэкъокъу зэфэшъхьафхэм ахэлэжьэнхэ амал ягъэгъотыгъэным мэхьанэшхо зэриIэр къагурыIоу депутатхэр шIушIэ Iофтхьабзэхэм ахэлажьэх.

12 июля 2018 года 17:44

Депутатхэм апай

Адыгэ Республикэм и Къэралыгъо Совет – Хасэм ия 27-рэ зэхэсыгъо 2018-рэ илъэсым бэдзэогъум и 16-м зэхащэ.

12 июля 2018 года 17:42

Адыгэ Республикэм щы1уагъэк1ырэ продукцием изытет, идэгъугъ

АР-м и Къэралыгъо Совет—Хасэм и Тхьаматэ игуадзэу, бюджетнэ-финансовэ, хьакъулахь ык1и экономическэ политикэмк1э, предпринимательствэмк1э ык1и 1эк1ыб зэпхыныгъэхэмк1э комитетым итхьаматэу 1ащэ Мыхьамэдрэ туризмэмк1э, экологиемк1э ык1и ч1ыопсым игъэфедэгъэнымк1э комитетым итхьаматэу Игорь Ческидовымрэ  АР-м экономикэ политикэмк1э и Координационнэ совет изэхэсыгъо хэлэжьагъэх. Ащ тхьамэтагъор щызэрихьагъ АР-м и ЛIышъхьэу КъумпIыл Мурат. Зэхэсыгъом и1офш1эн джащ фэдэу  хэлэжьагъэх федеральнэ гупчэм къикIыгъэ хьакIэхэр, республикэм икъэралыгъо гъэцэкIэкIо хэбзэ ыкIи чIыпIэ зыгъэIорышIэжьын къулыкъухэм ялIыкIохэр, апшъэрэ еджапIэхэм япащэхэр, шъолъырым ибизнес-сообществэ. УФ-м и Президентым иунашъоу «Зэнэкъокъум хэхъоныгъэхэр ышIынхэмкIэ къэралыгъо политикэм илъэныкъо шъхьаIэхэм афэгъэхьыгъ» зыфиIорэр Адыгеим щыгъэцэкIэгъэнымкIэ амалэу щыIэхэр арых къэзэрэугъоигъэхэр зытегущыIагъэхэр.

12 июля 2018 года 17:41

КандидатуракIэм дырагъэштагъ

АР-м и Къэралыгъо Совет—Хасэм и Тхьаматэу Владимир Нарожнэр, ащ игадзэхэу 1ащэ Мыхьамэдрэ Шъэо Аскэррэ, хэбзэгъэуцугъэмк1э, хабзэмк1э ык1и ч1ып1э зыгъэ1орыш1эжьынымк1э парламентым икомитет итхьаматэу Александр Лобода ык1и депутатэу Елена Любченкар Урысые Федерацием и Генеральнэ прокурорэу Юрий Чайкэ Адыгэ Республикэм ипрокурор IэнатIэкIэ кандидатурэу къыгъэлъэгъуагъэм ихэплъэнкIэ комиссием изэхэсыгъо  хэлэжьагъэх. Ар Адыгэ Республикэм и ЛIышъхьэу КъумпIыл Мурат Правительствэм и Унэ щызэхищагъ.

9 июля 2018 года 16:54

Фракциемэ я Совет ренэу Iоф ышIэщт

Урысые политическэ партиеу «Единая Россия» зыфиIорэм ишъолъыр къутамэу Адыгэ Республикэм щыIэм депутатхэм яфракциехэу хахьэхэрэм япащэхэр зыхэлэжьэгъэхэ зэхэсыгъо непэ щыIагъ. АР-м и Къэралыгъо Совет—Хасэм и Тхьаматэу Владимир Нарожнэр, АР-м и Премьер-министрэу Александр Наролиныр, ащ игуадзэу Наталья Широковар, Парламентым и Тхьаматэ игуадзэу Шъао Аскэр, УФ-м и Пенсионнэ Фонд икъутамэу АР-м щыIэм ипащэу, АР-м и Къэралыгъо Совет—Хасэм идепутатэу Къулэ Аскэрбый, АР-м и ЛIышъхьэ ыкIи АР-м и Министрэхэм я Кабинет ипащэу ТхьакIущынэ Мурат, хэбзэихъухьэ ыкIи чIыпIэ зыгъэIорышIэжьыпIэ органхэм ялIыкIохэр зэхэсыгъом иIофшIэн хэлэжьагъэх.

5 июля 2018 года 15:48

Хэдзынхэм афэгъэхьыгъэ Iофыгъомэ атегущыIагъэх

Непэ АР-м и Къэралыгъо Совет—Хасэм бюджетнэ-финансовэ, хьакъулахь, экономикэ политикэмкIэ, предпринимательствэмкIэ ыкIи IэкIыб экономическэ зэпхыныгъэхэмкIэ икомитет итхьаматэ игуадзэу, Урысые общественнэ организациеу «ЧIыпIэ зыгъэIорышIэжьыным и Урысые Совет» и Адыгэ шъолъыр къутамэ итхьаматэу Шэуджэн Сэфэр ыкIи ВСМС-м ишъолъыр отделение хэтхэр селекторнэ зэхэсыгъом хэлэжьагъэх.

5 июля 2018 года 12:39

Iащэ Мыхьамэд хэлэжьагъ

 «Единая Россия» зыфиIорэ партием ишъолъыр къутамэ и Секретарэу, Къэралыгъо Совет—Хасэм и Тхьаматэ игуадзэу Iащэ Мыхьамэд партием ишъолъыр отделениеу Мыекъуапэ щыIэм зэхищэгъэ Конференцием иятIонэрэ едзыгъо иIофшIэн хэлэжьагъ. Джащ фэдэу Конференцием иIофшIэн хэлэжьагъ Къыблэ федеральнэ шъолъырымкIэ партием и МКС ипащэ игуадзэу, УФ-м и Къэралыгъо Думэ идепутатэу Дмитрий Ламейкиныр, партием ичIыпIэ отделениеу Мыекъуапэ щыIэм и Секретарэу, къалэм имэрэу Андрей Гетмановыр, шъолъыр ыкIи чIыпIэ политическэ советхэм ахэтхэр, чIыпIэ къутамэхэм  яделегатхэр, партийнэ активыр, «НыбжьыкIэ Гвардием»  илIыкIохэр.

5 июля 2018 года 11:52

Псыуцугъэшхом зыщыухъумэгъэным фэшI

Красногвардейскэ районым иадминистрацие ипащэу Осмэн Альберт зэIукIэгъоу къутырэу Чумаковым щыпсэурэмэ адишIыгъэм  хэлэжьагъ АР-м и Къэралыгъо Совет—Хасэм идепутатэу Мамхыгъэ Азамат.  Къутырым щыщхэр лъэшэу егъэгумэкIых псыхъоу Шъхьэгуащэ инэпкъ зэрэгоурэм, нэпкъым иIэ пытапIэхэм язытет зэрэдэим. Къуаджэу Адамые щыпсэухэрэри тещыныхьэх бжыхьэм псыр къиуным ыкIи яунэхэм къакIэхьаным.

28 июня 2018 года 11:22

НыбжьыкIэхэм я Мафэ Мыекъуапэ щыхагъэунэфыкIыгъ

Къэлэ паркыр ары мэфэкI Iофтхьабзэхэр зыщыкIуагъэхэр. Республикэм иныбжьыкIэ зэхэт купмэ зэхащэгъэ гъэсэныгъэ гупчэхэм нэIуасэ зэфашIынхэ, сурэтышIхэм якъэгъэлъэгъонхэм ыкIи спортсменмэ яIэпэIэсэныгъэу нэрылъэгъу къафашIырэмэ яплъынхэ амал къекIолIагъэмэ зэкIэмэ яIагъ.  НыбжьыкIэ политикэм хэхьагъэхэу гъэхъагъэхэр зышIыгъэхэмэ щытхъу тхылъхэр аратыжьыгъэх, нэужым адыгэ эстрадэм ижъуагъохэр зыхэлэжьэгъэхэ концерт къатыгъ, етIанэ мэфэкIыр адыгэ джэгукIэ зэфашIыжьыгъ.

28 июня 2018 года 11:18

Министрэхэм я Кабинет изэхэсыгъо Владимир Нарожнэр хэлэжьагъ

Адыгэ Республикэм иминистрэхэм я Кабинет игъэкIотыгъэ зэхэсыгъоу тыгъуасэ иIагъэм социальнэ мэхьанэ зиIэ Iофыгъохэм щатегущыIагъэх. Iофтхьабзэр зэрищагъ АР-м и Правительствэ и Тхьаматэ игуадзэу Наталья Широковам.

26 июня 2018 года 17:47

Мылъку теплъадж

Мысатыу чIыгу Iахьхэу чъыгхэм якъэгъэкIынрэ хатэхэм ялэжьынрэ атегъэпсыхьагъэхэу зэныбджэгъу шIыкIэкIэ зэхэтхэу (товариществэхэу) илъэс 20-кIэ узэкIэIэбэжьмэ атыгъагъэхэм яIоф изэхэфын АР-м и Къэралыгъо Совет – Хасэр анахь игъэкIотыгъэу зыдэлажьэхэрэм ащыщ. Аужырэ уахътэм ахэр IыгъэкI шъыпкъэ хъугъэх. Зиехэм федэ къафахьынэу атыгъагъэхэмэ, джы ахэм язэрар къэкIо.

26 июня 2018 года 10:16

Спортсмен ныбжьыкIэхэм адеIэщтых

Физическэ культурэм ыкIи спортым хэхъоныгъэ ягъэшIыгъэнымкIэ Советэу Адыгэ Республикэм и ЛIышъхьэ дэжь щызэхащагъэм апэрэ зэхэсыгъор тыгъуасэ иIагъ. Ар зэрищагъ Адыгеим и ЛIышъхьэу КъумпIыл Мурат. Iофтхьабзэм хэлэжьагъэх спорт учреждениеу республикэм итхэм япащэхэр, олимпийскэ чемпионхэр, тренерхэр, спортсмен ныбжьыкIэхэр, нэмыкIхэри.

25 июня 2018 года 10:17

Народнэ депутатмэ я Совет изычэзыу сессие иIофшIэн хэлэжьагъ республикэ парламентым идепутат

Муниципальнэ гъэпсыкIэ зиIэ «Красногвардейскэ районым» ичIыпIэ зыгъэIорышIэжьыпIэ инароднэ депутатхэм я Совет ия 10-рэ сессие иIофшIэн хэлэжьагъ АР-м и Къэралыгъо Совет—Хасэм идепутатэу Мамхыгъэ Азамат.

22 июня 2018 года 15:09

Уахътэ тешIагъэми…

Непэ, мэкъуогъум и 22-м Шэуджэн районым ит поселкэу Заревом шъыгъо-шIэжь мафэм фэгъэхьыгъэ зэхахьэ щыкIуагъ. Ащ хэлэжьагъэх АР-м и Къэралыгъо Совет—Хасэм идепутатхэу Юрий Гороховыр, Цэй Эдуард ыкIи Къэгъэзэжь Мурат.

22 июня 2018 года 12:22

«ЕгъэшIэрэ машIом» дэжь

Тыгъуасэ, мэкъуогъум и 22-м, Хэгъэгу зэошхор къызежьагъэр илъэс 77-рэ зэрэхъугъэм фэгъэхьыгъэ шIэжь зэхахьэ лIыхъужъхэм ясаугъэтэу Мыекъуапэ итемыр лъэныкъом щыIэ щыкIуагъ.

21 июня 2018 года 17:54

Пытагъэ хэлъэу къекIолIэщтых

Промышленнэ продукциер хэбзэнчъэу гъэзекIогъэным пэуцужьырэ республикэ комиссием зичэзыу зэхэсыгъоу иIагъэр зэрищагъ Адыгэ Республикэм и ЛIышъхьэу КъумпIыл Мурат. Ащ и1офш1эн хэлэжьагъ АР-м и Къэралыгъо Совет—Хасэм и Тхьаматэу Владимир Нарожнэр.

20 июня 2018 года 17:51

Къэралыгъом игъэпытэн ыкIи икъэухъумэн япхыгъэ Iофыгъохэм ялъытыгъэу «Урысыем и ДОСААФ» имэхьанэ къэIэтыгъэныр

Къэралыгъо Совет—Хасэм изычэзыу зэхэсыгъо  Урысые общественнэ-къэралыгъо организациеу «Урысыем и ДОСААФ» зыфиIорэм ишъолъыр къутамэу АР-м щыIэм ипащэу Барцо Тимур къыщыгущыIагъ. Организацием имэхьанэ къэIэтыгъэным фэшI шIэгъэн фаехэм ар къатегущыIагъ, гумэкIыгъоу щыIэхэм депутатхэм анаIэ тыраригъэдзагъ.  

20 июня 2018 года 17:48

УФ-м и Президент жъоныгъокIэ унэшъуакIэу къышIыгъэхэр гъэцэкIэгъэнхэ фае

Мэкъуогъум и 20-м, АР-м и Къэралыгъо Совет — Хасэм я XXVI-рэ зэхэсыгъоу иIагъэм хэлэжьагъэх АР-м и ЛIышъхьэу КъумпIыл Мурат, министрэхэм я Кабинет хэтхэр, муниципальнэ образованиехэм, федеральнэ ыкIи республикэ къулыкъухэм, ведомствэхэм япащэхэр. Джащ фэдэу Парламентым изичэзыу зэхэсыгъо хэлэжьагъ Адыгеим ыцIэкIэ УФ-м и Къэралыгъо Думэ щыIэ Владислав Резник. Зэхэсыгъор зэращагъ Парламентым и Тхьаматэу Владимир Нарожнэм, ащ игуадзэхэу Iэщэ Мухьамэд, Шъэо Аскэр.

14 июня 2018 года 15:25

ЦIыфым ищыIэныгъэ зыIэ илъхэм ямэфэкI

Хабзэ зэрэхъугъэу, илъэс къэс мэкъуогъум иящэнэрэ тхьаумафэ медицинэм иIофышIэ и Мафэ тикъэралыгъо щыхагъэунэфыкIы. А мэфэкIым фэгъэхьыгъэ зэхахьэу Мыекъуапэ щыкIуагъэм хэлэжьагъэх Адыгэ Республикэм и ЛIышъхьэу КъумпIыл Мурат, АР-м и Къэралыгъо Совет – Хасэм и Тхьаматэу Владимир Нарожнэр, АР-м псауныгъэр къэухъумэгъэнымкIэ иминистрэу Мэрэтыкъо Рустем, министрэхэм я Кабинет хэтхэр, республикэм и Парламент идепутатхэр, нэмыкIхэри.

14 июня 2018 года 15:22

Федеральнэ хэбзэгъэуцугъэмэ адиштэу агъэпсыжьых

 АР-м и Къэралыгъо Совет—Хасэм хэбзэгъэуцугъэмкIэ, хабзэмкIэ ыкIи чIыпIэ зыгъэIорышIэжьынымкIэ икомитет итхьаматэу Александр Лобода ведомствэ зэфэшъхьафхэр зыхэхьэрэ рабочэ купэу АР-м и Прокуратурэ зэхищагъэм изэхэсыгъо хэлэжьагъ. Купыр зыдэлажьэрэр Адыгэ Республикэм ихэбзэгъэуцугъэхэр федеральнэхэм адиштэу гъэпсыжьыгъэнхэр ары.

14 июня 2018 года 12:51

«IэпэIэсэныгъэ зыхэлъ ныбжьыкIэхэр» зыфиIорэ зэIухыгъэ зэнэкъокъоу зэхащагъэм Шэуджэн Тембот хэлэжьагъ.

 Мэкъуогъум и II-м къыщегъэжьагъэу и 15-м нэс Адыгэ къэралыгъо университетым ятIонэрэ зэIухыгъэ чемпионатэу «IэпэIэсэныгъэ зыхэлъ ныбжьыкIэхэр» зыфиIорэр щызэхащагъ. Ар стандартэу Wordlskills-2018-м тетэу агъэпсыгъ.

14 июня 2018 года 12:46

Тэхъутэмыкъое район сымэджэщыр къызэIуахыгъ

Тэхъутэмыкъое районым щыпсэухэрэ цIыфхэр илъэс зэкIэлъыкIохэм зэжэгъэхэ район сымэджэщыр тыгъуасэ мэфэкI шIыкIэм тетэу къызэIуахыгъ. Iофтхьабзэм хэлэжьагъэх Адыгэ Республикэм и ЛIышъхьэу КъумпIыл Мурат, Адыгеим и Къэралыгъо Совет – Хасэм и Тхьаматэу Владимир Нарожнэр, АР-м и Апшъэрэ хьыкум и Тхьаматэу Трэхъо Аслъан, федеральнэ инспектор шъхьаIэу Сергей Дрокиныр, АР-м ми Премьер-министрэ игуадзэу Наталья Широковар, Тэхъутэмыкъое районым ипащэу Шъхьэлэхъо Азмэт, нэмыкIхэри.

13 июня 2018 года 15:10

АР-м и Къэралыгъо Совет—Хасэм изичэзыу зэхэсыгъо мэкъуогъум и 20-м щыIэщт

 Мэкъуогъум и 13-м АР-м и Къэралыгъо Совет—Хасэм и Президиум зэхэсыгъоу иIагъэм парламентым икомитетхэм ятхьаматэхэмрэ ягуадзэхэмрэ, джащ фэдэу фракциемэ ялIыкIохэмрэ щытегущыIагъэх къэблэгъэрэ  я XXVI-рэ зэхэсыгъом къыщаIэтыщт Iофыгъомэ.  Ар зэрищагъ парламентым итхьаматэу Владимир Нарожнэм.

12 июня 2018 года 17:20

Тихэгъэгушхо имэфэкI хэтэгъэунэфыкIы.

МэфэкIышхом – Урысыем и Мафэ фэгъэхьыгъэ Iофтхьабзэхэр Мыекъуапэ икъэлэ парк мэкъуогъум и 12-м щыкIуагъэх. А мафэм Урысыем иныбжьыкIэхэм ащыщхэм паспортхэр аратыжьыгъэх, концерти щыIагъ.

9 июня 2018 года 14:49

Лэжьыгъоу Iуахыжьыщтым фэгъэхьыгъэ дэкIыгъо зэхэсыгъу

  Лэжьыгъоу Iуахыжьыщтым фэгъэхьыгъэ дэкIыгъо зэхэсыгъоу Джэджэ районым щыIагъэм тхьэматагъор щызэрихьагъ АР-м и ЛIышъхьэу КъумпIыл Мурат. Ащ иIофшIэн хэлэжьагъэх  АР-м и Къэралыгъо Совет—Хасэм и Тхьаматэу Владимир Нарожнэр, мэкъумэщымкIэ АР-м и Министрэу Юрий Петровыр, пшъэдэкIыжь зыхьырэ IофшIакIохэр ыкIи нэмыкIхэр.  

9 июня 2018 года 10:21

Урысые полициер загъэпсыгъэр илъэс 300 хъугъэ

Урысые полициер загъэпсыгъэр илъэс 300 зэрэхъугъэм фэгъэхьыгъэ зэхахьэу  щыIагъэм хэлэжьагъэх Адыгэ Республикэм и ЛIышъхьэу КъумпIыл Мурат, АР-м и Къэралыгъо Совет-Хасэм и Тхьаматэу Владимир Нарожнэр, федеральнэ инспектор шъхьа1эу Сергей Дрокиныр, республикэм ихэбзэухъумэк1о органхэм япащэхэр, щылажьэхэрэр ык1и ветеранхэр.

8 июня 2018 года 10:49

Профильнэ комитетым ищытхъу тхылъхэр Адыгэ къэралыгъо университетыр къэзыухыгъэмэ аратыжьыгъэх

Гъэсэныгъэмк1э, ш1эныгъэмк1э, ныбжьык1э 1офхэмк1э, спортымк1э, къэбарлъыгъэ1эс амалхэмк1э, общественнэ организациехэм адэлэжьэгъэнымк1э АР-м и Къэралыгъо Совет-Хасэм икомитет итхьаматэу Шэуджэн Тембот Адыгэ къэралыгъо университетыр къэзыухырэмэ ямэфэк1 зэхахьэ хэлэжьагъ.

7 июня 2018 года 14:26

ЯмэфэкI хагъэунэфыкIыгъ

Социальнэ IофышIэм и Мафэ фэгъэхьыгъэ мэфэкI  зэхахьэ АР-м и Къэралыгъо филармоние щыкIуагъ. Ащ хэлэжьагъэх АР-м и Премьер-министрэ игуадзэу Наталья Широковар, АР-м и Къэралыгъо Совет —Хасэм и Тхьаматэ игуадзэу Шъэо Аскэр, АР-м IофшIэнымкIэ ыкIи социальнэ хэхъоныгъэмкIэ иминистрэу Мырзэ Джанбэч, нэмыкIхэри.

6 июня 2018 года 16:59

Пытагъэ хэлъэу къекIолIэщтых

АР-м и Къэралыгъо Совет—Хасэм и Тхьаматэ игуадзэу  Шъао Аскэр   къолъхьэ тын-Iыхыным пэшIуекIогъэнымкIэ IофшIэныр зэрифэшъуашэу зэхэщэгъэным фэгъэзэгъэ республикэ комиссием зичэзыу зэхэсыгъо и1офш1эн хэлэжьагъ. Зэхэсыгъом  тхьамэтагъор щызэрихьагъ Адыгэ Республикэм и ЛIышъхьэу КъумпIыл Мурат.

3 мая 2018 года 17:51

Хэгъэгум икъэухъумэн зэкIэмэ япшъэрылъ шъхьаI

Социальнэ политикэмкIэ, унэгъо IофхэмкIэ, псауныгъэм икъэухъумэнкIэ ыкIи культурэмкIэ АР-м и Къэралыгъо Совет—Хасэм икомитет итхьаматэу Евгений Саловыр, джащ фэдэу АР-м иветеранхэм я Совет, АР-м ихэбзэгъэуцу ыкIи игъэцэкIэкIо органхэм, чIыпIэ зыгъэIорышIэжьыным, Мыекъопэ гарнизоным идзэ частьхэм, ухъумэкIо структурэхэм (Росгвардием, УФСИН-м, МВД-м,МЧС-м), плъэкIо советым, Урысыем и ДОСААФ ишъолъыр къутамэ ялIыкIохэр Iэнэ хъураеу «Хэгъэгум икъэухъумэн нэбгырэ пэпчъ ипшъэрылъ шъхьаI» зыфиIорэм хэлэжьагъэх.

3 мая 2018 года 15:29

Сэнаущыгъэ зыхэлъхэм ядунай

Мэлылъфэгъум и 28-м къыщегъэжьагъэу жъоныгъуакIэм и 3-м нэс хореографие искусствэмкIэ я IV-рэ Дунэе зэнэкъокъоу «DANCE CONTINENT» зыфиIорэр Москва щыкIуагъ.

3 мая 2018 года 10:58

ФутболымкIэ турнир

ЖъоныгъуакIэм и I-м Красногвардейскэ районым турнир щызэхащагъ – футболымкIэ районым ичемпионат. А Iофтхьабзэм хэлэжьагъ АР-м и Къэралыгъо Совет—Хасэм идепутатэу, Красногвардейскэ районым футболымкIэ ифедерацие итхьаматэу Мамхыгъэ Азэмат.

1 мая 2018 года 12:18

Гъатхэмрэ IофшIэнымрэ ямэфэкI хэлэжьагъэх

Гъатхэмрэ IофшIэнымрэ я Мафэу жъоныгъуакIэм и I-м хагъэунэфыкIырэр зэкIэмэ шIу алъэгъурэ мэфэкIэу ренэу щытыгъ. Непэ къызнэсыгъэм ар лэжьакIохэр зэфэзыщэрэ мэфэкIэу тинахьыжъхэм алъытэ, шъыпкъэмкIэ а мафэр мамырныгъэм, зыкIыныгъэм, IофшIэным шъхьэкIафэ фэшIыгъэным япхыгъэ хъугъэ.

24 апреля 2018 года 17:37

АР-м и Общественнэ палатэ хэтыщтхэр агъэнэфагъэх

АР-м и Къэралыгъо Совет—Хасэм имэлылъфэгъу зэхэсыгъо АР-м и Общественнэ палатэ хэтыщтхэм яспискэ щыхэплъагъ.

24 апреля 2018 года 17:22

Илъэсым изэфэхьысыжьхэр

Адыгэ Республикэм и Къэралыгъо Совет — Хасэм изэхэсыгъоу тыгъуасэ щыIагъэм Адыгеим и ЛIышъхьэу КъумпIыл Мурат депутатхэм апашъхьэ къыщыгущыIагъ ыкIи 2017-рэ илъэсым республикэм иминистрэхэм я Кабинет Iофэу ышIагъэм изэфэхьысыжьхэр къыщишIыгъэх.

18 апреля 2018 года 17:22

АР-м и Къэралыгъо Совет—Хасэ иIэщт зэхэсыгъом зыщытегущыIэщтхэ Iофыгъохэр агъэнэфагъэх

АР-м и Къэаралыгъо Совет—Хасэм  и Президиум изэхэсыгъо непэ иIагъ. Ащ хэлэжьагъэх парламентым икомитетхэм ятхьаматэхэр, ягуадзэхэр, депутатскэ фракциемэ япащэхэр.

18 апреля 2018 года 16:24

ПаркыкIэ сабыймэ анэкIэ

Мэлылъфэгъум и 17-м 2018-рэ илъэсым муниципальнэ зыгъэIорышIэжьыпIэу «Инэм къэлэ псэупI» зыфиIорэм зэнэкъокъу гъэшIэгъон щызэхащагъ. Ар зыфэгъэхьыгъагъэр Анатолий Березовоим ыцIэ зыхьыщт паркым идизайн-проект анахь дэгъур къыхэхыгъэныр ары. Зэнэкъокъум изэхэщэн кIэщакIо фэхъугъ АР-м и Къэралыгъо Советым—Хасэм идепутатэу Къэлэшъэо Рустам. Культурэм и Унэу Инэм дэтым пэчIынатIэу паркыр агъэпсыщт.

18 апреля 2018 года 14:44

Къэралыгъо екIолIакIэмрэ пшъэрылъыкIэхэмрэ тищыкIагъэх.

Республикэ прокуратурэм  ияплIэнэрэ зэIухыгъэ форумэу зэхищагъэм АР-м и Къэралыгъо Советым—Хасэм и Тхьаматэу Владимир Нарожнэр хэлэжьагъ. Наркотикхэр хэбзэнчъэу къызэрекIокIыхэрэм пэуцужьыгъэным ыкIи бзэджэшIагъэхэр мыхъунхэм фэшI шIэгъэн фаехэм  форумыр афэгъэхьыгъагъ.

13 апреля 2018 года 16:01

АР-м и Къэралыгъо Советым—Хасэм иджэпсалъэхэм ЮРПА-м хэтхэм къыдырагъэштагъ, ахэр федеральнэ гупчэм агъахьыгъэх.

ЦIыфхэм ящынэгъончъагъэ лъыплъэгъэным изакъоп, хэбзэукъоныгъэхэр амышIынхэм фэшI пэшIорыгъэшъ Iофтхьабзэхэр зыкIызэрэхьан фаер.

ЮРПА-м хэтхэм анахьэу анаIэ зытырадзагъэр Федеральнэ хэбзэгъэуцугъэу тыгъэгъазэм и 26-м 2008-рэ илъэсым №294-ФЗ къыдэкIыгъэм зэхъокIыныгъэхэр фэшIыгъэнхэр ары. Iофтхьабзэр къыхэзылъхьагъэр хэбзэгъэуцунымкIэ, хабзэр къыдэлъытэгъэнымкIэ ыкIи чIыпIэ зыгъэIорышIэжьынымкIэ АР-м и Къэралыгъо Совет—Хасэм и Комитет итхьаматэу Александр Лобода.

13 апреля 2018 года 15:48

ЮРПА-м ия XXVIII-рэ Конференцие зэфашIыжьыгъ.

Непэ ЮРПА-м ия XXVIII-рэ Конференциеу Къырым Республикэм, Ялтэ щыкIуагъэр зэфашIыжьыгъ.

11 апреля 2018 года 15:35

Урысыем и Къыблэ Парламент Ассоциацие изичэзыу я XXVIII-рэ Конференцие Ялтэ щыкIощт

Урысыем и Къыблэ Парламент Ассоциацием изычэзыу я XXVIII-рэ Конференциеу мэлылъфэгъум и 12—13-м  Республикэу Къырым, къалэу Ялтэ щыкIощтым тиреспубликэ ихэбзэгъэуцу орган илIыкIо куп хэлэжьэщт. Ащ ипащ АР-м и Къэралыгъо Советым—Хасэм и Тхьаматэу Владимир Нарожнэр ары.

9 апреля 2018 года 16:09

Республикэ зэхэщэкIо комитетэу «ТекIоныгъ» зыфиIорэм изэхэсыгъо депутатхэр хэлэжьагъэх.

Ар зэрищагъ Адыгэ Республикэм и ЛIышъхьэу КъумпIыл Мурат. Зэхэсыгъом хэлэжьагъэх АР-м и Къэралыгъо Советым—Хасэм и Тхьаматэу Владимир Нарожнэр, гъэсэныгъэмкIэ, шIэныгъэмкIэ, ныбжьыкIэ IофхэмкIэ, спортымкIэ, къэбарлъыгъэIэс амалхэмкIэ ыкIи общественнэ организациехэм адэлэжьэгъэнымкIэ комитетым итхьаматэу Шэуджэн Тембот, республикэ парламентым идепутатэу Цэй Эдуард ыкIи нэмыкIхэр.

9 апреля 2018 года 15:23

Сэнаущыгъэ зыхэлъ сабыймэ анаIэ атырагъэты

Республикэ парламентым идепутатмэ Iофыгъуабэ агъэцакIэми, пшъэрылъыбэ яIэми, уахътэ къыхагъэкIы  сабыйхэр зыхэлэжьэрэ Iофтхьабзэхэм анаIэ атырагъэтынэу, яшIуагъи арагъэкIынэу. Урысые творческэ фестиваль-зэнэкъокъоу «Хрустальнэ жъогъожъыехэр» зыфиIорэм ишъолъыр рекIокIыгъоу мэлылъфэгъум и 7-м зэхащагъэм генеральнэ спонсор фэхъугъэр  Къэралыгъо Советым—Хасэм идепутатэу Пэнэшъу Къэплъан Мухьдинэ ыкъор ары. Хьыкум приставхэм я Федеральнэ къулыкъу икъутамэу АР-м щыIэр Iофтхьабзэм кIэщакIо фэхъугъ.

9 апреля 2018 года 09:51

Хэти игухэлъышIухэр Тхьэм къыдегъэхъух

 Чыристан диныр зылэжьыхэу тиреспубликэ ыкIи зэрэдунаеу ащыпсэурэмэ  дин мэфэкIышхоу Пасхэр тыгъуасэ хагъэунэфыкIыгъ.

6 апреля 2018 года 15:52

МэфэкIымкIэ афэгушIуагъ

  Хэгъэгу кIоцI IофхэмкIэ Урысыем и Министерствэ пэшIорыгъэшъ лъыхъон IофхэмкIэ иорган зызэхищагъэр илъэс 55-рэ зэрэхъурэм фэгъэхьыгъэ мэфэкI зэхахьэм АР-м и Къэралыгъо Совет--Хасэм хэбзэгъэуцунымкIэ, хабзэр агъэфедэнымкIэ ыкIи чIыпIэ зыгъэIорышIэжьынымкIэ икомитет итхьаматэу Александр Лобода хэлэжьагъ.

4 апреля 2018 года 11:33

Партийнэ проектхэм ягъэцэк1эн фэгъэхьыгъагъ

  Мэлылъфэгъум и 4-м видеоконференцие ш1ык1эм тетэу селекторнэ зэхэсыгъоу зэхащагъэр зэрищагъ «Единая Россия» зыфи1орэ партием и Генеральнэ Совет и Секретарэу Ольга Баталинам.

2 апреля 2018 года 17:18

Советым иапэрэ зэхэсыгъо щыIагъ

Дин объединениехэм Iоф адэшIэгъэным фытегъэпсыхьэгъэ Советэу АР-м и ЛIышъхьэ дэжь щызэхащагъэм апэрэ зэхэсыгъо иIагъ. Ар зэрищагъ Адыгеим и ЛIышъхьэу КъумпIыл Мурат. АР-м и Къэралыгъо Совет – Хасэ итхьаматэу Владимир Нарожнэр ащ хэлэжьагъ. 

28 марта 2018 года 16:26

Хэгъэгум фыряIэ шIулъэгъур гъэлъэшыгъэныр

Адыгэ Республикэм заом, IофшIэным, УIэшIыгъэ КIуачIэхэм ыкIи хэбзэухъумэкIо къулыкъухэм яветеранхэм я Общественнэ организацие ия IV-рэ Пленум тыгъуасэ щыIагъ.

28 февраля 2018 года 16:20

НыбжьыкIэхэм ягупшысэ щыпхырыщыгъэу...

Адыгэ Республикэм и Къэралыгъо Совет — Хасэм и НыбжьыкIэ парламент изэхэсыгъо мы мафэхэм Правительствэм и Унэ щыкIуагъ.

27 февраля 2018 года 17:31

Республикэм ихэбзэгъэуцухэмрэ къэбарлъыгъэIэс амалхэмрэ зэпхыныгъэу азыфагу илъым фэгъэхьыгъагъ

Адыгеим ипарламент идепутатхэм электрон, хаутырэ къэбарлъыгъэIэс амалхэм япащэхэмрэ аккредитацие ашIыгъэ журналистхэмрэ мэзаем и 27-м Адыгэ Республикэм и Къэралыгъо Совет - Хасэм зэIукIэгъу щадыряIагъ.



Страницы:     

Архив по годам:
Публикаций в разделе - 57

Видеотрансляции

Сервер видеотрансляции заседаний
Прямая трансляция заседания Государственного Совета-Хасэ Республики Адыгея


Новости

Укрепление и развитие многовековых связей братских народов
Сегодня в 10:55

21 июля делегация из Адыгеи, возглавляемая Главой РА Муратом Кумпиловым, в состав которой вошли Председатель Государственного Совета – Хасэ РА Владимир Нарожный, Премьер-министр РА Александр Наролин, председатель парламентского комитета по строительству, транспорту, связи  и  ЖКХ Олег Картамышев, Министр образования и науки РА Анзаур Керашев, Министр культуры РА Юрий Аутлев, Министр здравоохранения РА Рустем Меретуков, руководитель Администрации Главы РА и Кабинета Министров РА Мурат Тхакушинов с рабочим визитом посетили Республику Абхазию.


Ваше мнение

выразить свое мнение
Посещаете ли Вы бассейны, спортзалы, стадионы, физкультурно-оздоровительные комплексы или другие спортивные объекты для занятий физической культурой и спортом?
 Проголосовало: 134