О строгом исполнении антикоррупционного законодательства шел разговор на заседании Комиссии по координации работы по противодействию коррупции в РА
На заседании были подведены итоги работы по профилактике коррупционных правонарушений за 2019 год, обсуждены вопросы предупреждения коррупциогенных факторов при проведении ЕГЭ и приемной кампании в вузах, антикоррупционной работы, проводимой в ряде муниципалитетов. По данным вопросам были заслушаны информации профильных учреждений и ведомств. В рамках исполнения антикоррупционного законодательства выступил мэр Майкопа Андрей Гетманов, а также и.о. главы Адыгейска Марат Гиш.
Члены Комиссии особое внимание уделили вопросам профилактики коронавирусной инфекции в части запланированных дезинфекционных и карантинных мероприятий в рамках введенного в Адыгее режима повышенной готовности.
По завершению мероприятия Глава РА Мурат Кумпилов дал ряд рекомендаций и поручений, а также акцентировал внимание руководителей министерств, ведомств и подведомственных организаций на строгое исполнение антикоррупционного законодательства.
Къолъхьэ тын-Iыхын нэшанэ зиIэ хэбзэукъоныгъэхэм алъэныкъокIэ пэшIорыгъэшъ Iофтхьабзэхэм язэхэщэн 2019-рэ илъэсымкIэ зэфэхьысыжьэу фэхъугъэхэм ыкIи мы илъэсымкIэ пшъэрылъ шъхьаIэу щытхэм афэгъэхьыгъэу къэгущыIагъ къолъхьэ тын-Iыхыныр ыкIи нэмыкI хэбзэукъоныгъэхэр пэшIорыгъэшъэу щыгъэзыегъэнхэм фэгъэзэгъэ ГъэIорышIапIэу АР-м и ЛIышъхьэ дэжь щызэхэщагъэм ипащэу ОелIыкъо Юрэ. Ащ къызэриIуагъэмкIэ, блэкIыгъэ илъэсым къэралыгъо къулыкъушIэ 16-мэ алъэныкъокIэ игъэкIотыгъэ уплъэкIунхэр рагъэкIокIыгъэх.
Зэхэсыгъом къыщыгущыIагъэх Мыекъуапэ имэрэу Андрей Гетмановымрэ Адыгэкъалэ ипащэ ипшъэрылъхэр зыгъэцакIэрэ Гъыщ Маратрэ.
Зэтыгъо къэралыгъо ушэтынхэм язэхэщэн ыкIи апшъэрэ еджапIэхэм ныбжьыкIэхэр ачIэхьанхэмкIэ шапхъэхэм адиштэу къулыкъушIэхэм яIофшIэн агъэпсыным, къолъхьэ тын-Iыхыным пэшIуекIогъэнымкIэ пшъэрылъ шъхьаIэхэр гъэнэфэгъэнхэми зэхэсыгъом щатегущыIагъэх. Мы Iофыгъом епхыгъэу къэгущыIагъ АР-м гъэсэныгъэмрэ шIэныгъэмрэкIэ иминистрэу КIэрэщэ Анзаур. Зэтыгъо къэралыгъо ушэтынхэр щынэгъончъэу атынхэм, къолъхьэ тын-Iыхыным ылъэныкъокIэ хэбзэгъэуцугъэр укъуагъэ мыхъуным япхыгъэу Iофэу ашIагъэхэм министрэр къатегущыIагъ. Ащ къызэриIуагъэмкIэ, анахьэу анаIэ зытырагъэтыхэрэм ащыщ кIэлэеджакIохэм ыкIи ны-тыхэм зэтыгъо къэралыгъо ушэтыным шапхъэу пылъхэр къафаIотэныр, психологическэу ащ фагъэхьазырынхэр.
Адыгэ къэралыгъо университетым ыкIи Мыекъопэ къэралыгъо технологическэ университетым яректорхэр зэхэсыгъом къыщыгущыIагъэх. Ахэм къызэраIуагъэмкIэ, апшъэрэ учреждениехэм зэрачIахьэхэрэр унаIэ зытебгъэтын фэе лъэныкъохэм ащыщ. МыщкIэ IофшIэнэу ашIэрэм университетхэм япащэхэр къатегущыIагъэх.
— Къолъхьэ тын-Iыхыным тыпэшIуекIоныр пшъэрылъ шъхьаIэхэм ащыщ, къэралыгъом ылъапсэ гъэпытэгъэным ар фэIорышIэ. Мы лъэныкъомкIэ анахьэу тынаIэ зытетын фаер гъэсэныгъэм исистем ары. Республикэм кIэлэцIыкIу технопаркэу «Кванториум», шъолъыр гупчэу «Полярис-Адыгея» зыфиIохэу къыщызэIутхыгъэхэм пшъэрылъ шъхьаIэу яIэр шIэныгъэ куухэр ныбжьыкIэхэм зэрагъэгъотыныр ары. Республикэм иотраслэ зэфэшъхьафхэм Iоф ащызышIэщт специалистхэм ягъэхьазырынкIэ апшъэрэ еджапIэхэм пшъэдэкIыжьы-шхо зэрахьырэр зыщагъэгъупшэ хъущтэп, — къыIуагъ КъумпIыл Мурат.
ЧIыпIэ зыгъэIорышIэжьыпIэхэм къолъхьэ тын-Iыхыным пэшIуекIорэ хэбзэгъэуцугъэр зэрагъэцакIэрэм зэхэсыгъом щытегущыIагъэх ыкIи ащ епхыгъэ унашъо ашIыгъ.