По традиции в работе совещания приняли участие Глава РА Мурат Кумпилов, Председатель Государственного Совета - Хасэ РА Владимир Нарожный, Министр образования и науки РА Анзаур Керашев, ректоры республиканских госуниверситетов, руководители органов образования, работники образовательных организаций, представители работодателей, общественники и др.
Собравшихся приветствовал Глава РА Мурат Кумплов. Он отметил, что в Адыгее строятся школы, открываются дошкольные учреждения, ведется плановая работа по дорожным карта. Принимаются масштабные меры по реформированию сферы образования, направленные, в первую очередь, на обеспечение равного доступа к качественному образованию и соответствие современным потребностям личности, общества и государства. В этих целях в образовательных учреждениях региона происходят существенные изменения, в учебный процесс активно внедряются инновационные технологии, проводится большая работа по повышению профессионального мастерства педагогических кадров, совершенствуется инфраструктура, укрепляется материально-техническая база.
Глава Адыгеи дал поручения, направленные на реализацию госпрограмм и федеральных проектов, указал на важность выполнения социальных гарантий в сфере образования, акцентировал внимание работников образования на необходимости развития детских и молодежных инициатив.
Мурат Кумпилов поздравил учителей с началом нового учебного года и пожелал крепкого здоровья, благополучия, плодотворной работы, творческих успехов.
В ходе совещания были подведены итоги деятельности педагогического сообщества республики и обсуждены ключевые задачи дальнейшего развития образовательной системы. Министром образования и науки Анзауром Керашевым был представлен доклад с промежуточными итогами работы по совершенствованию образовательной системы, также прозвучали тематические доклады учителей и общественников, после чего состоялись заседания секций, а по итогам совещания были приняты рекомендации.
Ащ фэдэу гъэсэныгъэм иIофышIэхэм яреспубликэ зэIукIэ блэкIыгъэ мэфитIум Мыекъуапэ щыкIуагъ. ШышъхьэIум и 27-рэм методическэ площадкэхэр (секциехэр) къащызэIуахыгъагъэх Мыекъуапэ игурыт еджапIэу N 7-м, шIэныгъэхэм яхэгъэхъон пылъ республикэ институтым, зэхэзымыхырэ ыкIи зымылъэгъурэ кIэлэцIыкIухэр зыщырагъаджэхэрэ Адыгэ республикэ еджэпIэ-интернатым, Адыгэ къэралыгъо университетым итхылъеджапIэ, кIэлэцIыкIу IыгъыпIэу N 37-м, Мыекъопэ индустриальнэ техникумым, Адыгэ къэралыгъо университетымкIэ спортым идворецэу Кобл Якъубэ ыцIэ зыхьырэм. Гъэсэныгъэм иIофышIэхэр зыгъэгумэкIырэ Iофыгъохэр ахэм къащаIэтыгъэх.
ШышъхьэIум и 28-м пленарнэ зэхэсыгъо Правительствэм и Унэ щыкIуагъ. Ащ хэлэжьагъэх АР-м и ЛIышъхьэу КъумпIыл Мурат, АР-м и Къэралыгъо Совет — Хасэм и Тхьаматэу Владимир Нарожнэр, гъэцэкIэкIо ыкIи хэбзэихъухьэ къулыкъухэм ыкIи нэмыкI ведомствэхэм яIофышIэхэр.
Зэхэсыгъор къызэIуихыгъ АР-м гъэсэныгъэмрэ шIэныгъэрэкIэ иминистрэу КIэрэщэ Анзаур ыкIи гущыIэр ритыгъ АР-м и ЛIышъхьэу КъумпIыл Мурат. Ар игуапэу илъэсыкIэ еджэгъум ехъулIэу къызэIукIагъэхэм къафэгушIуагъ ыкIи гъэсэныгъэм ылъэныкъокIэ икIыгъэ илъэс еджэгъум шIагъэу щыIэхэм, пшъэрылъхэм къатегущыIагъ.
— Мыщ фэдэ Iофтхьабзэм сызэрэхэлажьэрэр лъэшэу сигуапэ, ащ амал къысеты кIэлэегъаджэхэу мафэ къэс Iоф мыпсынкIэу, ау щытхъу зыхэлъыр зыгъэцакIэхэрэм сафэгушIонэу.
Мэфэ заул ныIэп къэнагъэр шIэныгъэм и Мафэ къэсынкIэ. КIэлэеджакIохэр, студентхэр яеджапIэхэм къякIужьыщтых. ЗэкIэмкIи кIэлэеджэкIо мин 50 япартэхэм адэтIысхьажьыщт. Ахэм ащыщэу мини 6-р апэрэу мыгъэ еджапIэм къэкIощт.
Непэ шъо анахь мэхьанэ зиIэ IофшIэным шъуфэгъэзагъ — тинеущрэ мафэ зэлъытыгъэщтхэу, къыткIэхъухьэрэ ныбжьыкIэхэр шъопIух, шъогъасэх. Ахэр арых тихэгъэгу къырыкIощтыр зэлъытыгъэщтыр, — къыIуагъ ЛIышъхьэм.
ЕтIанэ пащэр Урысыем и Президентэу Владимир Путиным чыжьэу кIорэ пшъэрылъхэу мы илъэсым ижъоныгъокIэ мазэ къыгъэуцугъэхэм къатегущыIагъ. Ахэм зэу ащыщ гъэсэныгъэм ылъэныкъокIэ Урысыер дунаимкIэ апэ ит къэралыгъуи 10-м ахэхьан зэрэфаер. Ащ фэдэ гъэхъагъэ хэгъэгум ышIыным пае федеральнэ проектхэр зэхагъэуцох. ГущыIэм пае, «Непэрэ еджапIэр» зыфиIорэм къызэрэдилъытэрэмкIэ, еджапIэхэр ыкIи еджэпIэ корпусхэр кIэу ашIынхэ фае, ятIонэрэ сменэу кIэлэеджакIохэр еджэжьыщтхэп, егъэджэн шIыкIэ-амалхэр (методикэр), шапхъэхэр агъэкIэжьыщтых.
Лъэшэу гушIуагъо Iоныгъом и 1-м Тэхъутэмыкъое районымкIэ къуаджэу Пэткэу (Новая Адыгея) еджапIэ къызэрэщызэIуахыщтыр. Ар кIэлэеджэкIо 990-мэ ателъытагъ. А район дэдэмкIэ поселкэу Инэм нэбгырэ 1100-рэ зыщеджэн алъэкIыщт еджэпIакIэ щашIы. КъэкIорэ илъэсым ащ фэдэ еджапIэм ишIын Мыекъуапэ щырагъэжьэщт. ЕджэпIитIумэ ягъэпсын сомэ миллиардрэ мин 438-рэ тефэщт.
Шэуджэн районымкIэ къутырэу ХьэпакIэм еджапIэрэ кIэлэцIыкIу IыгъыпIэрэ зэхэтэу щатынэу мы мафэхэм агъэхьазыры.
2021-рэ илъэсым ехъулIэу республикэм иеджапIэхэм ачIэсхэр зэкIэ зы сменэу еджэнхэм непэ Iоф дашIэ.
Федеральнэ проектэу «Къоджэ еджапIэхэм физкультурэм ыкIи спортым ащыпылъынхэ амал яIэныр» зыфиIорэм ишIуагъэкIэ мы аужырэ илъэси 4-м спортзал 40 агъэцэкIэжьыгъ. ЗэкIэмкIи сомэ миллион 85,5-рэ а проектымкIэ Адыгеим къыIэкIэхьагъ. ЕджэпIэ 88-мэ язэIухыгъэ спорт площадкэхэм апае спортивнэ псэуалъэхэр ащэфынхэу амал яIагъ.
ЕджапIэхэм илъэсыкIэ еджэгъум зыфагъэхьазырыным пае мыгъэ сомэ миллион 230-рэ афатIупщыгъ. Ащ нэмыкIэу республикэм ипредпринимательхэм сомэ миллион 50 еджапIэхэм язэтегъэпсыхьан пэIухьанэу аратыгъ.
Гъэсэныгъэм исистемэ ащ тетэу IэпыIэгъу фэхъурэ цIыфхэм лъэшэу зэрафэразэр ЛIышъхьэм къыIуагъ.
— ЗэкIэри шIэгъахэу, Iофыгъохэр зэшIохыгъахэхэу непэ пIон плъэкIыщтэп. ШъунаIэ тешъозгъадзэмэ сшIоигъу, ны-тыхэм ахъщэ къаIышъухы зэрэмыхъущтым, — къыIуагъ КъумпIыл Мурат. — ЕджапIэр щынэгъончъэу, ущеджэнкIэ гуIэтыпIэу щытынымкIэ пащэ пэпчъ ежь-ежьырэу иIофхэр, ипшъэрылъхэр зэшIуихынхэ фае. Ащ фэд кIэлэцIыкIу IыгъыпIэхэри.
Муниципальнэ образованиехэм япащэхэм пшъэрылъ афэсэшIы еджапIэхэм яинфраструктурэ нахьышIу шIыгъэнымкIэ, гъэкIэжьыгъэнымкIэ муниципальнэ программэхэр зэхагъэуцонхэшъ, аштэнхэу.
Проектэу «Учитель будущего» зыфиIорэм мэхьанэшхо зэриIэр ЛIышъхьэм къыхигъэщыгъ. Непэ республикэм иеджапIэхэм ащыщхэм икъу фэдизэу кIэлэегъаджэхэр яIэхэп, еджапIэм пэщэ дэгъу фэхъунэу щыIэри макIэ. Мы лъэныкъомкIи районхэм япащэхэм къатенэу ылъытагъ ЛIышъхьэм. КIэлэегъэджэ дэгъур IофшIэным кIэбгъэгушIун, еджапIэм чIэмыкIыжьыным упащэмэ унаIэ тебгъэтын фае. ЕджапIэхэм ящыкIэгъэ кIэлэегъаджэхэр къэгъэхьазырыгъэнхэм Адыгэ къэралыгъо университетымрэ Адыгэ кIэлэегъэджэ колледжымрэ анаIэ тетынэу щыт.
РеспубликэмкIэ гъэхъэгъэшху илъэси 3-м къыщегъэжьагъэу 7-м нэс зыныбжь сабыйхэмкIэ кIэлэцIыкIу IыгъыпIэхэм чэзыу зэрямыIэжьыр. Джы Iоф зыдашIэрэр илъэси 3 мыхъугъэхэри кIэлэцIыкIу IыгъыпIэхэм зэраштэщтхэр ары. А Iофыгъом изэшIохын пэIухьанэу УФ-м и Президент иунашъокIэ сомэ миллион 65-м ехъоу къатIупщыгъэм ишIуагъэкIэ Iоныгъом и 1-м ехъулIэу Мыекъуапэ кIэлэцIыкIу IыгъыпIэ щагъэцэкIэжьыгъ, Мыекъопэ районымкIэ зы кIэлэцIыкIу IыгъыпIэ икIэрыкIэу агъэпсыжьыгъ.
2018 – 2019-рэ илъэсхэм федеральнэ бюджетым ишIуагъэкIэ кIэлэцIыкIу IыгъыпIи 5 республикэм щашIыщт. Ахэм сабый 1200-рэ ачIэфэщт.
Федеральнэ проектэу «Цифровая образовательная среда» зыфиIорэр Лъэпкъ проектэу «Гъэсэныгъэм» хэт. Непэрэ мафэм диштэрэ щынэгъончъэ цифровой гъэсэпIэ чIыпIэ зэхэщэгъэн фаеу республикэм ипащэ ылъытагъ ыкIи акционер обществэу «Ростелекомым» «гъогу картэ» зэхигъэуцонэу пшъэрылъ фишIыгъ.
Проектэу «Зисэнэхьат хэшIыкIышхо фызиIэхэр» зыфиIорэм мэхьанэшхо иI IофшIэкIо кадрэхэр къэгъэхьазырыгъэнхэмкIэ. АщкIэ аграрнэ-промышленнэ техникумэу селоу Красногвардейскэм дэтым лъэшэу щэгугъых. Федеральнэ бюджетым къикIэу ащ сомэ миллион 50 еджапIэр зэтегъэпсыхьэгъэным пае фатIупщыщт, республикэ бюджетым сомэ миллион 52-рэ ритыщт. Профессиональнэ гъэсэныгъэ къэзытырэ учреждениехэр зэтегъэпсыхьэгъэнхэмкIэ программэхэр зэхигъэуцонхэу АР-м гъэсэныгъэмрэ шIэныгъэмрэкIэ и Министерствэ пшъэрылъ фашIыгъ.
Илъэси 5 хъугъэу республикэр къэралыгъо программэу «ЩыIэкIэ Iэрыфэгъу» зыфиIорэм хэлажьэ. Сэкъатныгъэ зиIэ кIэлэцIыкIухэр ялэгъухэм ахэсхэу еджэнхэ амал яIэным ар фэлажьэ. Ащ ишIуагъэкIэ кIэлэеджакIохэр пэрыохъу щымыIэу еджапIэм къэкIонхэ, ащ чIэхьанхэ алъэкIы. ЕджэпIэ 65-рэ непэ ащ тетэу зэтегъэпсыхьагъэх, амалхэр яIэх. Ау зимыIэхэри джыри бэ.
ЕджапIэхэм ыкIи кIэлэцIыкIу IыгъыпIэхэм ачIэсхэм ягъэшхэн мэхьанэ ритэу ЛIышъхьэр къытегущыIагъ, ащ республикэм ипащэхэм анаIэ зэрэтетыр къыIуагъ. КIэлэцIыкIухэм чIыпIэм къыщагъэкIырэ, къыщашIырэ гъомылапхъэхэр арагъэшхыным еджапIэхэм ыкIи кIэлэцIыкIу IыгъыпIэхэм япащэхэм анаIэ тырагъэтынэу къяджагъ.
Сабый зыпIунэу къаIызыххэрэм загъорэ Iофыгъоу къапыкIыхэрэми пащэм ынаIэ тыридзагъ. Ахъщэм пае а лъэбэкъур зышIыхэрэр зэрэщыIэхэр къыIуагъ. Арышъ, сабыир аIызыхыщтхэр комиссиехэм лъэшэу ауплъэкIунхэу къафигъэпытагъ.
КIэлэцIыкIу ибэхэу унэ къызэратынэу къызытефэхэрэми ЛIышъхьэм ягугъу къышIыгъ. Мы илъэсым ахэм ащыщэу нэбгыри 134-мэ псэупIэхэр яIэ хъущт. ИкIыгъэ илъэсым нэбгыри 166-мэ къаратыгъагъ.
Гъэсэныгъэм иIоф укъытегущыIэу естественнэ-хьисап еджапIэм ублэкIын плъэкIыщтэп. Ащ игъэхъагъэхэми ЛIышъхьэр анэсыгъ. Мы илъэсым еджэпIэ щагум щагъэпсыгъэ «Хьисап паркыр» УрысыемкIэ апэрэу зэрэщытыр къыIуагъ.
Еджэным, культурэм, искусствэм, спортым гъэхъагъэхэр ащызышIыхэу, лъэныкъо зэфэшъхьафхэмкIэ зэчый зыхэлъ ныбжьыкIэхэр къыхэгъэщыгъэнхэр, ахэм Iоф адэшIэгъэныр ныбжьыкIэ политикэм изы Iахьышхоу щыт ыкIи мэхьанэшхо реты. ЯтIонэрэу мыгъэ ащ фэдэ ныбжьыкIэхэм я Слет Адыгеим щыкIуагъ. Ащ нэбгырэ 300 фэдиз хэлэжьагъ. Зэчый зыхэлъ нахь ныбжьыкIабэ ащ фэдэ слетым хэгъэлэжьэгъэнхэ зэрэфаер республикэм и ЛIышъхьэ къыхигъэщыгъ.
Ащ ыуж АР-м гъэсэныгъэмрэ шIэныгъэмрэкIэ иминистрэу КIэрэщэ Анзаур гъэсэныгъэм изытет ехьылIагъэу гущыIэ къышIыгъ. Докладым къыпкъырыкIыхэзэ къэгущыIагъэх Адыгэ къэралыгъо университетым ипрофессорэу, тарихъымкIэ факультетым идеканэу Н. ПэкIэшхор, Мыекъопэ гимназиеу N 5-м ипащэу С. Къушъхьэр, кIэлэцIыкIу IыгъыпIэу N 21-рэм ипащэу С. Лыер, Красногвардейскэм дэт аграрнэ-промышленнэ техникумым идиректорэу А. ПщыхьакIэр ыкIи нэмыкIхэр.
Зэхэсыгъом чIыпIэшхо щиубытыгъ кIэлэегъаджэхэм къафагъэшъошэгъэ цIэ лъапIэхэр къэзыушыхьатырэ бгъэхалъхьэхэм яятыжьын, яфэгушIон. Ащ фэдэу «Урысые Федерацием гъэсэныгъэмкIэ иIофышIэ гъэшIуагъ» зыфиIорэ тын лъапIэр нэбгырэ 21-мэ къафагъэшъошагъ. Ахэм ащыщых Красногвардейскэ районымкIэ селоу Большой Сидоровым дэт еджапIэм икIэлэегъаджэу Елена Апостоловар, Кощхьэблэ районымкIэ гурыт еджапIэу N 1-м икIэлэегъаджэу Бзэсэжъ Зуриет, Адыгэ РеспубликэмкIэ гъэсэныгъэм иучреждениехэм я Гупчэ бухгалтерие ибухгалтерэу Джарымэ Мерэм, Мыекъопэ гурыт еджапIэу N 6-м икIэлэегъаджэу Дзыбэ Светланэ ыкIи нэмыкIхэр.
Урысые Федерацием ищытхъуцIэу «КIэлэцIыкIухэм ыкIи ныбжьыкIэхэм япIун ылъэныкъокIэ IофышIэ гъэшIуагъ» зыфиIорэр нэбгыритIумэ къафагъэшъошагъ. Ахэр Адыгэкъалэ гъэсэныгъэ тедзэ къэзытырэ Гупчэу дэтым иметодистэу ЛIымыщэкъо Саид ыкIи Тэхъутэмыкъое районымкIэ гъэсэныгъэ тедзэ къэзытырэ Гупчэм ипащэ игуадзэу ХьакIэгъогъу Мир арых.
«За милосердие и благотворительность» зыфиIорэ бгъэхалъхьэр тиреспубликэкIэ апэрэу къыфагъэшъошагъ ООО-у «Мамрыкъо» зыфиIорэм игенеральнэ директорэу Мамрыкъо Руслъан. Ар еджэпIэ организациехэм ежь ышъхьэкIэ ахъщэ IэпыIэгъу зэрафэхъурэм ыкIи нэмыкIэу ишIуагъэ зэраригъэкIырэм къыкIэкIуагъ.