В нем приняли участие депутаты Государственного Совета – Хасэ РА, представители органов исполнительной власти регионов Северо – Кавказского и Южного федеральных округов, курирующих вопросы национальной политики, а также представители научного сообщества, средств массовой информации.
Участники заседания обсудили исторический опыт, современное состояние и перспективы межкультурного взаимодействия народов Республики Адыгея и Северного Кавказа.
Мероприятие направленно на сохранение и развитие культурного наследия русского народа, духовной общности и межнационального согласия народов Российской Федерации.
Ащ Адыгеим и Къэралыгъо Совет — Хасэм идепутатхэр, Урысые Федерацием и Темыр Кавказ ыкIи Къыблэ федеральнэ шъолъырхэм ягъэцэкIэкIо органхэм ялIыкIохэу лъэпкъ политикэм игъэцэкIэн фэгъэзагъэхэр, шIэныгъэлэжьхэр хэлэжьагъэх.
Пэублэ зэIукIэгъум «Адыгэ Республикэмрэ Темыр Кавказымрэ ащыпсэурэ лъэпкъхэм якультурэ къырыкIуагъэр, непэ изытет ыкIи лъэпкъ зэфэшъхьафхэм тапэкIэ зэфыщытыкIэу яIэщтхэр» зыфиIорэ Iофыгъом щытегущыIагъэх.
Iофтхьабзэр Адыгэ Республикэм и Къэралыгъо филармоние щыкIуагъ. ХьакIэхэр, культурэм иIофышIэхэу чIыпIэ зэфэшъхьафхэм къарыкIыгъэхэр залым чIизыгъэх. Ахэм пэублэ гущыIэкIэ закъыфигъэзагъ Адыгэ Республикэм и Премьер-министрэ игуадзэу Наталья Широковам.
Урысые Федерацием и Къыблэ шъолъыррэ Темыр Кавказым исубъектхэмрэ къарыкIыгъэхэм ащыщхэр къэгущыIагъэх. Волгоградскэ, Астрахань хэкухэм, Ставропольем, Краснодар краим, Адыгеим ялIыкIохэм лъэпкъ зэфэшъхьафхэм зэгурыIоныгъэрэ шъхьэкIэфагъэрэ зэфыряIэу зэдэпсэунхэмкIэ Iофтхьабзэу зэшIуахыхэрэр къаIотагъэх. Нэужым лъэпкъ творческэ коллективхэм къагъэхьазырыгъэ концертым еплъыгъэх.
Къэгъэлъэгъонхэм узIэпащэщтыгъ
МэфэкIыр цIыфхэм яIэшIагъэхэм якъэгъэлъэгъонкIэ рагъэжьагъ. Ар филармонием ифойе щыкIуагъ. ЦIыф IэпэIасэхэм къагъэхьазырыгъэу ащ къырахьылIагъэхэр пхъэм, керамикэм, тхылъыпIэм, апчым, гъучIым ахэшIыкIыгъэ пкъыгъох, нысхъап кIэракIэх, бэмышIэу къыдэкIыгъэ тхылъых, дышъэкIэ е тыжьынкIэ хэдыкIыгъэ тхыпхъэх.
Нэужым секцие зэфэшъхьафхэм Къэралыгъо филармонием Iоф щашIагъ. ХьакIэхэр Лъэпкъ музеим рагъэблэгъагъэх, ар къарагъэплъыхьагъ.
Чъэпыогъум и 27-м тикъушъхьэхэм ядэхагъэ арагъэлъэгъунэу ахэр Мыекъопэ районым ащэгъагъэх. ПсэупIэу Дахъо дэт хьакIэщэу «Даховская слобода» зыфиIорэм щыIагъэх, ащ секциехэм ащыщ Iоф щишIагъ.
БэшIагъэп Адыгэ Республикэм Дунэе адыгэ культурэм ифестиваль зыщыкIуагъэр, ащ къыкIэлъыкIуагъ лъэпкъ цIыкIухэм яфорум, джы мары урыс культурэм имэфэкIэу Урысыем ишъолъыритIумэ ащыпсэухэрэр зыхэлэжьагъэхэр чъэпыогъум и 25 — 27-рэ мафэхэм щыIагъ.
Ахэм къагъэлъагъо Адыгэ Республикэм ипащэхэми, шъолъырым щыпсэухэрэми къэралыгъом илъэпкъ зэрэрэдырагъаштэрэр, лъэпкъ культурэхэм уасэ зэрафашIырэр.
Тарихъ лъапсэр егъэпытэ
Ингушетием, Ставропольем, Адыгеим, Къэрэщэе-Щэрджэсым, Краснодар краим, Волгоградскэ ыкIи Астраханскэ хэкухэм къарыкIыгъэхэм мамырэу зэдэпсэурэ лъэпкъхэм якультурэ къызэтегъэнэгъэным ыкIи хэхъоныгъэхэр егъэшIыгъэным зэрэпылъхэр мэфэкIым къекIолIагъэхэм къафаIотагъ.
Секциехэм яIофшIэн чанэу хэлэжьагъэх Урысые Федерацием и Къыблэ федеральнэ ыкIи Темыр Кавказ федеральнэ шъолъырхэм, къэбар жъугъэм иамалхэм ялIыкIохэр.
Шъыпкъэ, культурэм цIыфхэри лъэпкъхэри зэрепхых, ятарихъ лъапсэхэр егъэпытэх. Къэралыгъо лъэпкъ политикэм гъогу занкIэ пхырыщынымкIэ ащ мэхьанэшхо иI. Урысыешхом икультурэ зэрэбаим фэдэу лъэпкъ зэфэшъхьафхэм яехэри гъэшIэгъоных. Ахэр зэкIэ зэхэтмэ мамырныгъэр зэрэпытэрэри, цIыфхэм агухэр зэрэзэфызэIуахыхэрэри Адыгеим щыкIогъэ Iофтхьабзэм нэрылъэгъу къышIыгъ.
Главная / Пресс-служба / Новости /
0
0