Сегодня в Майкопе состоялся митинг, посвященный Дню памяти воинов, погибших в локальных конфликтах, в котором принял участие Председатель Государственного Совета – Хасэ РА Владимир Нарожный.
От имени Главы РА Мурата Кумпилова и депутатов парламента он искренне и тепло поприветствовал участников мероприятия и отметил, что жители республики помнят своих героев, которые ценою своей жизни защищали интересы нашего государства.
- Военнослужащие – выходцы из многонациональной Адыгеи принимали самое непосредственное участие в многочисленных конфликтах, побывали в «горячих точках» далеких стран и континентов, громили бандформирования в Чеченской Республике. Сотни из них за ратную доблесть и мужество удостоены самых высоких государственных наград, в том числе звания Героя России. В наших сердцах навсегда останется светлая память, искренняя гордость за поколение, которое с честью выполнило свой интернациональный долг. Они показали всему миру пример бескорыстного служения своему Отечеству, идеалам мира, добра и справедливости. Эти герои всегда шагают в незримых рядах «бессмертного полка», являются великой, нравственной и духовной поддержкой в наших земных делах, - подчеркнул Председатель Госсовета – Хасэ РА В.Нарожный.
Он пожелал всем крепкого здоровья, благополучия и мира.
2005-рэ илъэсым къыщыублагъэу бригадэм ишIэжь Мафэ щылэ мазэм и 2-м Адыгэ Республикэм щыхагъэунэфыкIы.
Хабзэм икъулыкъушIэхэр, общественнэ движениехэм ялIыкIохэр, Мыекъуапэ дзэ къулыкъур щызыхьыхэрэр, ны-тыхэр, зэо зэфэшъхьафхэм ащыфэхыгъэхэм яныбджэгъухэр, Iахьылхэр, кIэлэеджакIохэр, нэмыкIхэри зэхахьэм хэлажьэх. Ахэр шIэжьым зэфищагъэх.
АцIэхэр къыщыраIуагъэх
ЧIыпIэ «плъырхэм», зэо зэфэшъхьафхэм ащыфэхыгъэхэм ясаугъэт зэхэтхэу Мыекъуапэ икъыблэ дэхьапIэ щагъэуцугъэхэм апашъхьэ щыкIогъэ зэхахьэм зыми ыгу щырэхьатыгъэп. Бригадэм идзэкIолIхэу Чэчэным щыфэхыгъэхэм ацIэхэр шIэжь зэIукIэгъум къыщыраIуагъэх, зы такъикъэ афэшъыгъуагъэх. Урысыемрэ Адыгэ Республикэмрэ якъэралыгъо быракъхэр дзэкIолIхэм пчэгум къырахьагъэх. Ащ фэдэ уахътэм нэплъэгъум къебгъэубыты пшIоигъор макIэп.
Зыоппъыхьэ, гур мэлъыхъо. Заом имашIо зынэсыгъэхэм къатегущыIэхэрэм уядэIузэ, шIэжьым зеушъомбгъу…
Тщыгъупшэхэрэп
Адыгэ Республикэм и Парламент и Тхьаматэу Владимир Нарожнэм ти ЛIышъхьэу КъумпIыл Мурат ыцIэкIэ зэхахьэм къекIолIагъэхэм закъыфигъэзагъ. Чэчэным щыкIогъэ заом Мыекъуапэ ибригадэ идзэкIолIхэу щыфэхыгъэхэм лъытэныгъэ ин непи зэрафэтшIырэр В. Нарожнэм къыIуагъ
— ДзэкIолIхэр ныбжьыкIагъэх, щыIэныгъэр лъагъэкIотэным зыфагъэхьазырыщтыгъ. Унагъо ашIэнэу мурадхэр яIагъэх, — къыIуагъ Владимир Нарожнэм. — Хэгъэгум изыкIыныгъэ гъэпытэгъэным, мамыр псэукIэр нахьышIу шIыгъэным ахэр фэбэнагъэх.
Мыекъуапэ иадминистрацие ипащэ игуадзэу Юрий Томчак къызэгущыIэм анахьэу хигъэунэфыкIыгъэр ныбжьыкIэхэр яхэгъэгу фэшъыпкъэхэу пIугъэнхэм имэхьанэ зыкъызэриIэтырэр ары.
Гум иуз тигъэрэхьатырэп
Къэралыгъо 20-м къехъумэ ащыфэхыгъэхэ дзэкIолIхэм ясаугъэтхэр къызыщызэIуахыгъэ пчэгум генерал-лейтенантэу Константин Пуликовскэр къырыкIо зыхъукIэ, лъэбэкъоу ыдзырэ пэпчъ игукъэкIыжьхэр рипхыхэу къытщэхъу.
Пкъыр ищыгъ, ынэхэм уяплъызэ гущыIэгъу уфэхъумэ, псэ зыпыт къэбархэр жъы зэрэмыхъухэрэм унаIэ теодзэ. Константин Пуликовскэм ыкъоу Алексей капитанэу щытыгъ. ЩыIэныгъэр шIу ылъэгъущтыгъ, гукIэгъу зыхэлъ цIыф шIагъоу иныбджэгъухэм алъытэщтыгъ, ЛIыхъужъныгъэм иорден къызыфагъэшъошэгъэ капитанэу А. Пуликовскэм ыгу къытеожьырэп.
— Уахътэм уIагъэхэр ыгъэхъужьхэу цIыфхэм къаIоу зэхэтэхы, ащ сэ еплъыкIэу фысиIэр нэмыкI. Мыщ фэдэ зэхахьэхэу псэ зыпытхэр, цIыфыбэ зыщызэIукIэхэрэр арых Iэзэгъу къытфэхъухэрэр, — къыIуагъ Константин Пуликовскэм.
Гупшысэ зэIухыгъэм чыжьэу уегъаплъэ, щыIэныгъэм ихъугъэшIагъэхэр нахь куоу зэбгъашIэхэ пшIоигъо охъу.
— Мыжъобгъум тетхэгъэхэ лъэкъуацIэхэм укъяджэзэ, о узылъыхъурэр къахэогъэщы,
— игупшысэхэр лъегъэкIуатэх Константин Пуликовскэм. — ЛъэкъуацIэу пхьырэр зыплъэгъукIэ, укъеджэныр къыохьылъэкIы…
… Ары, къыппэблэгъэ цIыфым ыгу къызэрэтемыожьырэр ошIэми, ухэщэтыкIы, шIэжьым пкIантIэу къыптырикIэрэм кIочIаджэ уешIы, гущыIэ шъабэкIэ зыгорэхэр епIо пшIоигъоу охъу.
ДзэкIолIхэр къырыкIуагъэх
Зэхахьэм хэлажьэхэрэм ЕгъэшIэрэ машIор зыщыблэрэ саугъэтым къэгъагъэхэр кIэралъхьагъэх. Фэхыгъэ дзэкIолIхэм шъхьащэ афашIыгъ. Мыекъопэ гарнизоным идзэкIолIхэр зэхэтхэу пчэгум къырыкIуагъэх.
ЛIэужхэм язэпхыныгъэхэр
Урысыем идзэпатриот общественнэ движениеу «Юнармием» икъутамэу Адыгэ Республикэм щызэхащагъэм хэтхэр шъуашэхэр ащыгъхэу шIэжь зэхахьэм щытлъэгъугъэх. Мыекъопэ районым къикIыгъэхэм гущыIэгъу тафэхъугъ. Полина Мухинар, Дарья Буцоевар, Диана Стереховар, нэмыкIхэр тарихъыр нахьышIоу зэрагъэшIэным пылъых. ЛIыхъужъныгъэм ехьылIэгъэхэ зэIукIэгъухэм мэхьэнэ ин араты.
Урысыем и ЛIыхъужъэу Евгений Осокиныр зэрэныбжьыкIэу тынэгу кIэт. ТызэIукIэмэ сэлам зэтымыхэу къыхэкIыщтыгъэп. Евгений ятэу Анатолий осокиным Мыекъопэ гарнизоным илъэсыбэрэ къулыкъур щихьыгъ, полковник хъугъэу дзэм хэтыгъ. Генералэу Юрий Щипинымрэ Анатолий Осокинымрэ язэдэгущыIэгъу уебгъукIон плъэкIынэу щытыгъэп.
Мыжъобгъоу щытым тетхагъэм ахэр икIэрыкIэу еджэх… ГущыIэу къаIощтыр ерагъэу къагъоты. Урысыем и ЛIыхъужъэу Евгений Осокиным исурэт мыжъобгъум тешIыхьагъ. Офицер ныбжьыкIэм къулыкъур Чэчэным щихьызэ заом имашIо зыхэфэм, къызэкIэкIуагъэп. ЛIыгъэ шъыпкъэ зэрихьагъ, иныбджэгъу къыгъэнэжьызэ хьылъэу къауIагъ. Лъыр зэпымыоу зэрэчIинэрэр зыдишIэжьызэ, ыгу къытеофэ игъусэ дзэкIолIхэм афэгумэкIыгъ.
Мыжъом тешIыхьэгъэ сурэтыр макъэ пыIукIэу къэмыгущыIэми, уеплъы зыхъукIэ, гупшысэхэм узэлъакIу…
Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Шъхьэлэхъо Аскэр урысхэм, къэндзалхэм, къэзэкъхэм, адыгэхэм, нэмыкIхэм яобщественнэ движениехэм ахэтхэм аIукIагъ. ЯзэдэгущыIэгъу къыщыхагъэщыгъэр псэ зыпыт зэIукIэгъухэм лъэпкъхэм языкIыныгъэ зэращыпытэрэр ары.
ШIэжьым ищысэхэмкIэ ныбжьыкIэхэр апIух, хэгъэгум икъэухъумэн фагъасэх.